حکومت سندھ کی جانب سے ڈویژنل ہیڈ کوارٹر شہروں کو ترقی یافتہ شہروں میں شمار کرنےکے لیے سٹی ماسٹر پلان کی منصوبہ بندی کی جارہی ہے، چئیرمین امپلیمینٹشن کمیٹی و ڈویژنل کمشنر میرپورخاص

 میرپور خاص(اردوپوائنٹ اخبار تازہ ترین۔ 06اکتوبر 2024) حکومت سندھ کی جانب سے ڈویژنل ہیڈ کوارٹر شہروں کو ترقی یافتہ شہروں میں شمار کرنےکے لیے  سٹی ماسٹر پلان کی منصوبہ بندی کی جارہی ہے جس میں میرپورخاص ڈویژن کے ہیڈ کوارٹر  شہروں میرپورخاص، عمرکوٹ اور مٹھی(تھرپارکر) شامل ہیں کو بھی ترقی یافتہ شہروں کی صف میں شامل ہیں کی مطلوبہ  ضروریات کی نشاندہی کرکے کے جلد رپورٹ کمشنر آفس میں جمع کروائی جائے تاکہ ماسٹر پلان کے تحت کام کا آغاز کیا جا سکے.

(جاری ہے)

ان خیالات کا اظہار چئیرمین امپلیمینٹشن کمیٹی و ڈویژنل کمشنر میرپورخاص فیصل احمد عقیلی نے ضلع کونسل چئیرمین میر انور علی خان تالپور اور میئر عبدالروف غوری کے ہمراہ کمشنر کمیٹی ہال میں سٹی ماسٹر پلان پر عملدرآمد کروانے کے متعلق تشکیل کردہ کمیٹی کے ممبران سے اجلاس کی صدارت کرتے ہوئے کیا. انہوں نے مزید کہا کہ سٹی ماسٹر پلان کو عملی جامہ پہنانے کے لیے ڈپٹی کمشنر میرپور خاص اور مئیر کی سربراہی میں سب کمیٹیاں تشکیل دی جائیں.

انہوں نے مزیدکہا کہ ماسٹر پلان میں ہاؤسنگ، سوشل سروسز، صحت، تعلیم بنیادی ضروریات واٹر سپلائی، سیوریج اور ڈرینیج، سالڈ ویسٹ، ٹرانسپورٹیشن اور کاروباری مراکز شامل ہوں گے اور کہا کہ   20 سالہ مدت کے تحت  2037  تک  کی منصوبہ بندی کو مد نظر رکھتے ہوئے  یہ ماسٹر پلان بنایا جا رہا ہے. اس موقع پر ضلع کونسل چئیرمین میر انور علی خان تالپور نے کہا کہ ماسٹر پلان کے تحت میرپورخاص شہر کو ترقی یافتہ شہروں سے جوڑنے کے لیے کام کرنے کی ضرورت ہے کیونکہ میرپورخاص شہر ہمارا اپنا شہر ہے اور کوشش ہے زیادہ سے زیادہ عوام کو فائدہ پہنچایا جائے.

اس موقع پر مئیر عبدالروف غوری نے کہا کہ اس ماسٹر پلان میں ضلع میرپورخاص کے 3 تحصیل میرپورخاص، حسین بخش مری اور شجاع آباد کی 2 ٹاؤن کمیٹیوں کی  22 یونین کونسل شامل ہوں گی اجلاس میں ڈپٹی کمشنر میرپور خاص ڈاکٹر رشید مسعود خان ، رئیس عارف خان بھرگڑی، ایڈیشنل کمشنر ون ڈاکٹر علی نواز بھوت، ڈسٹرکٹ ہیلتھ آفیسر ڈاکٹر امجد، اسسٹنٹ کمشنرز، روڈس، پبلک ہیلتھ انجنئیرنگ، تعلیم، صحت، سندھ بلڈنگ کنٹرول اتھارٹی، لوکل گورنمنٹ اور دیگر متعلقہ محکموں کے افسران نے شرکت کی.