پنجاب بھرمیں 1237ٹریفک حادثات میں07افراد جاں بحق1338زخمی ہوئے

منگل 12 نومبر 2024 22:10

لاہور (اُردو پوائنٹ اخبارتازہ ترین - این این آئی۔ 12 نومبر2024ء) ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں 1237ٹریفک حادثات پر ریسپانڈ کیا جن میں582افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔756معمولی زخمی لوگوں کو ریسکیومیڈیکل ٹیموں کے جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا۔

ان حادثات میں زیادہ تر تعداد (76فیصد)موٹر سائیکلز حادثات کی ہے اس لیے وقت کی ضرورت ہے کہ روڈ ٹریفک حادثات کی بڑھتی ہوئی شرح کو کم کرنے کے لیے ٹریفک قوانین پر سختی سے عمل کرتے ہوئے لائن اور لین کے نظم و ضبط کا خیال رکھیں۔ ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں703ڈرائیوز،53کم عمرڈرائیور، 483مسافراور159پیدل چلنے والے افراد متاثر ہوئے۔

(جاری ہے)

اعدادو شمار سے ظاہر ہوتا ہے کہ225ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی درالحکومت257متاثرین کے ساتھ پہلی ملتان 84حادثات میں91متاثرین کے ساتھ دوسر ے،فیصل آباد80حادثات میں76متاثرین کے سا تھ تیسرے نمبرپررہا۔ واضح رہے کہ ان ٹریفک حادثات کے کل1345متاثرین میں 1105مرد اور240خواتین شامل ہیں جبکہ زخمی ہونیوالوں میں261افراد کی اوسط عمر18سال سے کم693افراد کی اوسط عمر 18سے 40سال کے درمیان جبکہ391زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں1054موٹرسائیکلز،78آٹورکشے، 116کاریں،34وین20مسافر بسیں،37ٹرک اور116دوسری اقسام کی گاڑیاں شامل ہیں۔