گرینڈ آپریشن کے بعد اسلام آباد میں معمولات زندگی بحال ہوگئے

شہر اقتدار میں کاروباری مراکز کھل گئے جبکہ تمام تعلیمی کل سے سرگرمیاں بحال ہو جائیں گی، پی ٹی آئی احتجاج کے باعث بند کی جانے والی سڑکیں آمدورفت کیلئے کھول دی گئیں

فیصل علوی بدھ 27 نومبر 2024 11:06

گرینڈ آپریشن کے بعد اسلام آباد میں معمولات زندگی بحال ہوگئے

اسلام آباد(اردوپوائنٹ اخبار تازہ ترین۔ 27نومبر 2024) وفاقی دارالحکومت اسلام آباد میں پاکستان تحریک انصاف کے خلاف گرینڈ آپریشن کے بعد شہر میں معمولات زندگی بحال ہوگئے، شہر اقتدار میں کاروباری مراکز کھل گئے جبکہ تمام تعلیمی کل سے سرگرمیاں بحال ہو جائیں گی،انتظامیہ نے پی ٹی آئی احتجاج کے باعث بند کی جانے والی سڑکیں آمدورفت کیلئے کھول دی ہیں،ڈی چوک پرجگہ جگہ مظاہرین کے چھوڑے کپڑے، جوتے پڑے ہیں اور متعدد گاڑیاں بھی لاوارث کھڑی ہیں،ریڈ زون اور دیگر اہم مقامات پر لگائے گئے کنٹینرز بھی ہٹائے جانے کا کام جاری ہے، جبکہ ڈی سی اسلام آباد کی ہدایت پر شہر بھر میں شاہراہوں کی صفائی کا کام بھی جاری ہے۔

تحریک انصاف کے احتجاج کے دوران 4 روز سے بند موٹرویز کو ہر طرح کی ٹریفک کیلئے کھول دیا گیا ہے۔

(جاری ہے)

موٹر وے حکام کے مطابق موٹروے ایم 2، اسلام آباد تا لاہور، اسلام آباد سے پشاور موٹروے ایم ون، لاہور سیالکوٹ، ایم 3 ، ایم 4 اور ایم 5 موٹرویز ہر طرح کی ٹریفک کیلئے کھول دی گئی ہیں۔شرپسندوں کے خلاف اسلام آباد میں گرینڈ آپریشن کے بعد شہر کی مختلف شاہراہوں سے کنٹینرز ہٹانے اور صفائی کا کام شروع کر دیا گیا،ریڈ زون اور دیگر اہم مقامات پر لگائے گئے کنٹینرز بھی ہٹائے جانے کا کام جاری ہے جبکہ ڈی سی اسلام آباد کی ہدایت پر شہر بھر میں شاہراہوں کی صفائی کا کام بھی جاری ہے۔

جگہ جگہ مظاہرین کے چھوڑے کپڑے، جوتے پڑے ہیں اور متعدد گاڑیاں بھی لاوارث کھڑی ہیں جبکہ انتظامیہ نے پی ٹی آئی احتجاج کے باعث بند کی جانے والی سڑکیںآمدورفت کیلئے کھول دی ہیں۔ڈی سی اسلام آباد عرفان میمن کا کہنا ہے کہ ضلعی انتظامیہ اسلام آباد نے شاہراہوں سے رکاوٹیں ہٹانے کا فیصلہ کیا گیا ہے اور تمام اسسٹنٹ کمشنرز کو علاقے میں موجود کنٹینرز ہٹانے کی ہدایات جاری کر دی گئی ہیں۔

عرفان میمن کا کہنا تھا کہ تمام تر وسائل کو بروئے کار لاتے ہوئے راستے فی الفورکھولے جا رہے ہیں، کوشش ہے کہ صبح ہونے سے قبل شہریوں کیلئے راستے کھول دیے جائیں گے۔ڈی سی اسلام آباد عرفان میمن نے تمام اسسٹنٹ کمشنر کو ہدایات جاری کی ہیں کہ شہر کی تمام شاہراہوں پر صفائی ستھرائی کے انتظامات بھی صبح تک مکمل ہونے کو یقینی بنائے جائیں۔