امریکہ بانی پی ٹی آئی سے دور رہے،امریکی اخبار کا ٹرمپ کو مشورہ

بانی پی ٹی آئی اور انکی سیاست سے تعلق امریکہ اور امریکی مفاد کے لیئے خطرناک ہو سکتی ہے

منگل 3 دسمبر 2024 22:20

امریکہ بانی پی ٹی آئی سے دور رہے،امریکی اخبار کا ٹرمپ کو مشورہ

واشنگٹن(اُردو پوائنٹ اخبارتازہ ترین - آن لائن۔ 03 دسمبر2024ء) امریکہ کے معروف اخبار واشنگٹن ایگزمینر کے ایک مضمون میں امریکی صدر ڈونلڈ ٹرمپ کو مشورہ دیا ہے کہ امریکی حکومت اور سیاست کی بہتری بانی پی ٹی آئی سے دوری میں ہے، بانی پی ٹی آئی اور انکی سیاست سے تعلق امریکہ اور امریکی مفاد کے لیئے خطرناک ہو سکتی ہے، بانی پی ٹی آئی کی سیاست امریکہ دشمنی پر مبنی ہے۔

،مضمون میں مزید کہاگیا ہے کہ بانی پی ٹی آئی نے اپنے سیاسی مفادات کے لیئے امریکہ مخالف مہم سے عوام میں مقبولیت حاصل کی ،بین الاقوامی تعلقات عامہ کے حوالے سے بانی پی ٹی آئی کی شخصیت پر اعتبار نہیں کیا جا سکتا ،طالبان کی حمائت ، دہشت گردی کے خلاف جنگ اور اسامہ بن لادن کے حوالے سے بانی پی ٹی آئی کے نقطہ نظر کو امریکہ سپورٹ نہیں کر سکتا، بانی پی ٹی آئی ایک متنازعہ شخصیت ہیں اور امریکی حکومت کسی نئے تنازعے کی متحمل نہیں ہو سکتی، پاکستانی فوج اور امریکہ کے تعلقات ہمیشہ خطے میں دیرپا امن کی ضانت رہے ہیں،امریکی حکومت اور سیاست کی بہتری بانی پی ٹی آئی سے دوری میں ہے، پاکستان اور امریکہ کے تعلقات ہمیشہ دیرینہ اور مشترکہ مفادات پر مبنی رہے ہیں۔

(جاری ہے)