سکواش کے عظیم کھلاڑی جہانگیر خان کا یوم پیدائش(آج) منایا جائے گا

پیر 9 دسمبر 2024 10:55

مکوآنہ (اُردو پوائنٹ اخبارتازہ ترین - این این آئی۔ 09 دسمبر2024ء) سکواش کے عظیم کھلاڑی جہانگیر خان کا یوم پیدائش(آج) 10 دسمبر کو منایا جائے گا۔10 دسمبر 1963 کو کراچی میں پیدا ہونے والے شہرہ آفاق کھلاڑی نے 6 مرتبہ سکوائش کی عالمی چیمپئن شپ جیتی اور 10 مرتبہ برٹش اوپن ٹائٹل اپنے نام کیا۔

(جاری ہے)

جہانگیر خان نے مسلسل 555 انٹرنیشنل میچز میں ناقابلِ شکست رہنے کا ایسا ریکارڈ قائم کیا جس کو توڑنے سے متعلق کوئی سوچ بھی نہیں سکتا۔

سکوائش کے کھیل میں بہترین خدمات کے اعتراف میں جہانگیر خان کو حکومت پاکستان کی جانب سے صدارتی تمغہ حسن کارکردگی سے نوازا گیا اور جہانگیر خان آج بھی عالمی سکواش فیڈریشن کے اعزازی صدر ہیں۔جہانگیر خان کی سالگرہ کے موقع پر سکوئش اور ملک کیلئے ان کی خدمات کے اعتراف میں انہیں خراج تحسین پیش کیا جائے گا۔