پی ٹی آئی کا انقلاب فروم ہوم مہینے میں ایک بارانگڑائی ضرور لیتا ہے‘عظمیٰ بخاری

26نومبر کو جو جھانسی کی رانی بن رہی تھی وہ گزشتہ روزمنہ چھپائے کررہی تھی‘وزیر اطلاعات پنجاب

جمعرات 12 دسمبر 2024 22:29

پی ٹی آئی کا انقلاب فروم ہوم مہینے میں ایک بارانگڑائی ضرور لیتا ہے‘عظمیٰ ..

لاہور (اُردو پوائنٹ اخبارتازہ ترین - این این آئی۔ 12 دسمبر2024ء)وزیر اطلاعات پنجاب عظمیٰ بخاری نے کہا ہے کہ پی ٹی آئی کا انقلاب فروم ہوم مہینے میں ایک بار انگڑائی ضرور لیتا ہے،24اور 26نومبر کو جویشلے خطاب کرنے والی بشری بی بی اپنا انقلابی بھاشن پشاور چھوڑ آئی ہیں،جیسے ہی ریاست اپنی رٹ قائم کرتی ہے انقلاب دم دبا کر بھاگ جاتا ہے۔ انہوں نے اپنے بیان میں کہا کہ بدقسمتی دیکھیں کہ 26نومبر کو جو جھانسی کی رانی بن رہی تھی وہ گزشتہ روزمنہ چھپائے کررہی تھی۔

(جاری ہے)

23نومبر کو شوہر کی طرح ازخود قوم سے خطاب کرنے والی بشری بی بی آج اچھے بچوںکی طرح خاموش ہے۔ وزیر اطلاعات نے مزید کہا کہ 26نومبر کو جو ڈی چوک فتح کرنے آئی تھی آج صحافیوں کے سوالوں پر ایک لفظ نہیں بول سکی۔ بشری بی بی میڈیا کو بتاتی کہ ڈی چوک سے بھاگنے کا پلان انکا تھا یا گنڈاپور کا تھا وہ آج قوم کو یہ بھی بتاتی ڈی چوک سے دوڑ کیوں لگائی بیچاری بشری نے پہلا انقلاب لیڈ کیا وہ بھی اس کے گلے پڑ گیا۔بشری بی بی کی غیر سیاسی سوچ اور ان کے غیر سیاسی فیصلوں نے انکی پارٹی کو تقسیم کیا ہے۔