Live Updates

صوبائی وزیر صحت خواجہ سلمان رفیق کا ملتان انسٹی ٹیوٹ آف کارڈیالوجی کا دورہ

جمعرات 12 دسمبر 2024 23:01

لاہور (اُردو پوائنٹ اخبارتازہ ترین - آن لائن۔ 12 دسمبر2024ء) صوبائی وزیر صحت خواجہ سلمان رفیق نے ملتان انسٹی ٹیوٹ آف کارڈیالوجی کا دورہ کیا۔سیکرٹری صحت عظمت محمود، چیئرمین بی او ڈی پی آئی سی ڈاکٹر فرقد عالمگیر، سپیشل سیکرٹری طارق محمود، ڈپٹی سیکرٹری بجٹ حمادالرب اور چیف پلاننگ آفیسر عبدالحق بھٹی بھی خواجہ سلمان رفیق کے ہمراہ تھے۔اس موقع پر ایگزیکٹو ڈائریکٹر ایم آئی سی اور ایم ایس بھی موجود تھے۔

صوبائی وزیر صحت خواجہ سلمان رفیق نے ملتان انسٹی ٹیوٹ آف کارڈیالوجی میں مریضوں کی عیادت کی اور طبی سہولیات کا تفصیلی جائزہ لیا۔

(جاری ہے)

کارڈیالوجی کے سرکاری ہسپتالوں کی استعداد کار بڑھانے کیلئے ایک اجلاس کا انعقاد بھی کیا گیا۔وڈیو لنک کے ذریعے سی ای او پنجاب ہیلتھ انشی ایٹو مینجمنٹ کمپنی ڈاکٹر علی رزاق اور پی آئی ٹی بی کے افسران نے بھی اجلاس میں شرکت کی۔

صوبائی وزیر صحت خواجہ سلمان رفیق نے کہاکہ وزیر اعلیٰ پنجاب مریم نواز شریف تمام سرکاری کارڈیالوجی ہسپتال آنے والے مریضوں کیلئے سہولیات میں اضافہ کرنا چاہتی ہیں۔اس حوالے سے پروفیشنلز کی تجاویز اور آراء کا بھی جائزہ لیا گیا ہے۔ خواجہ سلمان رفیق نے کہاکہ چیف منسٹرز چلڈرن ہارٹ سرجری پروگرام الحمدللہ کامیابی سے جاری ہے۔