ھ*پی ٹی آئی کا’’ انقلاب فروم ہوم ‘‘مہینے میں ایک بارانگڑائی ضرور لیتا ہی:عظمیٰ بخاری

/24 اور 26 نومبر کو جوشیلے خطاب کرنے والی بشری بی بی اپنا انقلابی بھاشن پشاورچھوڑ آئی ہیں: صوُُبائی وزیر اطلاعات

جمعرات 12 دسمبر 2024 19:55

؁لاہور (اُردو پوائنٹ اخبارتازہ ترین - آن لائن۔ 12 دسمبر2024ء) وزیر اطلاعات پنجاب عظمیٰ بخاری نے کہا ہے کہ پی ٹی آئی کا’’ انقلاب فروم ہوم ‘‘مہینے میں ایک بار انگڑائی ضرور لیتا ہے۔24 اور 26 نومبر کو جوشیلے خطاب کرنے والی بشری بی بی اپنا انقلابی بھاشن پشاور چھوڑ آئی ہیں۔ جیسے ہی ریاست اپنی رٹ قائم کرتی ہے انقلاب دم دبا کر بھاگ جاتا ہے۔ انہوں نے کہا کہ بدقسمتی دیکھیں کہ 26 نومبر کو جو ’’جھانسی کی رانی‘‘بن رہی تھی وہ گزشتہ روز’’منہ چھپائی‘‘کررہی تھی۔

(جاری ہے)

23 نومبر کو شوہر کی طرح ازخود قوم سے خطاب کرنے والی بشری بی بی آج ’’اچھے بچوں‘‘کی طرح خاموش ہے۔ وزیر اطلاعات نے مزید کہا کہ 26 نومبر کو جو ڈی چوک فتح کرنے آئی تھی آج صحافیوں کے سوالوں پر ایک لفظ نہیں بول سکی۔ بشری بی بی میڈیا کو بتاتی کہ ڈی چوک سے بھاگنے کا پلان انکا تھا یا گنڈاپور کا تھا وہ آج قوم کو یہ بھی بتاتی ڈی چوک سے دوڑ کیوں لگائی بیچاری بشری نے پہلا انقلاب لیڈ کیا وہ بھی اس کے گلے پڑ گیا۔بشری بی بی کی غیر سیاسی سوچ اور ان کے غیر سیاسی فیصلوں نے انکی پارٹی کو تقسیم کیا ہے۔