چوہدری غلام عباس کی خدمات مدتوں یاد رہیں گی ،راجہ ثاقب مجید

چوہدری غلام عباس مرحوم سردار محمد عبدالقیوم خان،غازی ملت سردار محمد ابراہیم خان تحریک آزادکشمیر کے وہ عظیم قائد تھے جنہو ں نے شمع آزادی کے پروانے کے لیے ہمیشہ لازوال کردار ادا کیا

منگل 17 دسمبر 2024 13:48

مظفرآباد(اُردو پوائنٹ اخبارتازہ ترین - این این آئی۔ 17 دسمبر2024ء)مسلم کانفرنس کے مرکزی چیف آرگنائزرراجہ ثاقب مجید نے کہا ہے کہ چوہدری غلام عباس کی خدمات مدتوں یاد رہیں گی چوہدری غلام عباس مرحوم مجاہد اول سردار محمد عبدالقیوم خان،غازی ملت سردار محمد ابراہیم خان تحریک آزادکشمیر کے وہ عظیم قائد تھے جنہو ں نے شمع آزادی کے پروانے کے لیے ہمیشہ لازوال کردار ادا کیا۔

قائد ملت رئیس الاھرار چوہدری غلام عباسؒ نے جس منزل کا تعین کیا اس کی تکمیل تک کشمیری قوم اپنی جدوجہد جاری رکھے گے رئیس الاحرار چوہدری غلام عباس ؒ کی برسی بھرپور عقیدت و احترام کے ساتھ منائی جائے گی، رئیس الاحرار قائد ملت چوہدری غلام عباس ؒ الحاق پاکستان کے داعی تھے جنہوں نے مقبوضہ کشمیر سے پاکستان کے الحاق کیلئے اپنی گراں قدر خدمات سرانجام دی ان کی جدوجہد تحریک آزادی کشمیر کی تاریخ میں سنہری حروف میں درج ہوگی۔

(جاری ہے)

چوہدری غلام عباس فکری و نظریاتی طور پر نظریہ پاکستان کے زبردست حامیوں میں سے تھے، انہوں پاکستان سے بے پناہ محبت اور عقیدت تھی، انہوں نے کہا کہ چوہدری غلام عباس مرحوم کی خدمات مدتوں یاد رہیں گیا۔انہوں نے کہا کہ مسئلہ کشمیر سمیت دیگر اہم ایشوز کو بین الاقوامی فورم پر بلند کرنا اور مسئلہ کشمیر اور کشمیر کاز کی آواز کو مؤثر انداز میں اٹھانے کا سہرا سردار عتیق احمد خان کا سر ہے۔ مسلم کانفرنس ریاست کی عوام کی سب سے بڑی اور عظیم سیاسی قوت کا نام ہے۔