لاہور بورڈ آف انٹرمیڈیٹ کے ری چیکنگ کے قوانین لاہور ہائیکورٹ میں چیلنج

منگل 17 دسمبر 2024 17:40

لاہور (اُردو پوائنٹ اخبارتازہ ترین - این این آئی۔ 17 دسمبر2024ء) لاہور بورڈ آف انٹرمیڈیٹ کے ری چیکنگ کے قوانین لاہور ہائیکورٹ میں چیلنج کردئیے گئے،عدالت نے انٹرمیڈیٹ بورڈکے لیگل ایڈوائزر کو کل ( بدھ ) طلب کرلیا۔

(جاری ہے)

جسٹس چوہدری محمداقبال کی سربراہی میں دو رکنی بنچ نے درخواست پرسماعت کی،درخواست میں موقف اختیار کیا گیا کہ لاہور بورڈ کے پیپرز چیکنگ سے متعلق رولز غیر قانونی ہیں،بورڈ قوانین کے مطابق پیپر کے نمبرری کائونٹ کیے جاتے ہیں،ری چیک نہیں۔

درخواست میں موقف اختیارکیا گیاکہ کنیئرڈ کالج کی طالبہ نے اوبجیکٹومیں تمام سوالوں کے ٹھیک جواب دیئے ، ٹھیک جوابات کے باوجود پیپر میں صفرنمبردیئے گئے،درخواست میں استدعا کی گئی کہ مارک شیٹ میں ترمیم کر کے نمبر ایڈ کیے جائیں۔بعدا ازاں عدالت نے انٹرمیڈیٹ بورڈ کے لیگل ایڈوائزر کو آج طلب کرتے ہوئے سماعت ملتوی کر دی ۔