ویرات کوہلی کے آؤٹ ہونے پر کونسٹاس کے جشن منانے کی ویڈیو وائرل

ویرات کوہلی جیسے ہی آؤٹ ہوئے تو سلپ میں فیلڈنگ کرنے والے سیم کونسٹاس کی خوشی کا کوئی ٹھکانا نہیں رہا

ہفتہ 28 دسمبر 2024 16:31

ویرات کوہلی کے آؤٹ ہونے پر کونسٹاس کے جشن منانے کی ویڈیو وائرل

میلبرن(اُردو پوائنٹ اخبارتازہ ترین - این این آئی۔ 28 دسمبر2024ء)بھارتی کرکٹر ویرات کوہلی کے آؤٹ ہونے پر آسٹریلوی بیٹر کونسٹاس کے جشن منانے کی ویڈیو سوشل میڈیا پر وائرل ہوگئی۔ملیبرن میں کھیلے جارہے چوتھے ٹیسٹ میچ کے دوسرے روز کھیل کے اختتام پر بھارت نے 5 وکٹوں کے نقصان پر 164 رنز بنالیے اور انہیں کینگروز کی برتری ختم کرنے کے لیے مزید 310 رنز درکار ہیں، آسٹریلیا کی ٹیم پہلی اننگز میں 474 رنز بنا کر آؤٹ ہوئی۔

رشبھ پنت 6 اور رویندرا جڈیجا 4 رنز کے ساتھ ناٹ آؤٹ ہیں۔آسٹریلیا کی جانب سے کپتان پیٹ کمنز اور اسکاٹ بولینڈ نے دو، دو وکٹیں حاصل کی ہیں۔تاہم سوشل میڈیا پر ویڈیو وائرل ہورہی ہے جس میں ڈیبیو کرنے والے آسٹریلوی بیٹر کو سیم کونسٹاس کو ویرات کوہلی کے آؤٹ ہونے پر جشن مناتے دیکھا گیا ہے۔

(جاری ہے)

ویرات کوہلی 86 گیندوں پر 36 رنز بنا کر بولینڈ کی گیند پر الیکس کیری کو کیچ دے بیٹھے۔

ویڈیو میں دیکھا جاسکتا ہے کہ ویرات کوہلی جیسے ہی ا?ؤٹ ہوئے تو سلپ میں فیلڈنگ کرنے والے سیم کونسٹاس کی خوشی کا کوئی ٹھکانا نہیں رہا اور انہوں نے کراؤڈ کی جانب سے اشارہ کرتے ہوئے جشن بھی منایا۔واضح رہے کہ جب کونسٹاس نے جسپریت بمراہ کو اسکوپ پر چھکے اور چوکے لگائے تھے تو ویرات کوہلی جان بوجھ کر کونسٹاس سے ٹکرائے تھے اور ان سے جھگڑا کیا تھا جس پر سوشل میڈیا صارفین کی جانب سے کوہلی پر تنقید کی گئی تھی۔آسٹریلوی میڈیا نے بھی ویرات کوہلی کے رویے کی تنقید کی اور انہیں ’جوکر‘ قرار دیا تھا۔