مذاکراتی کمیٹی کے تمام ارکان حکومتی اجلاس میں شریک ہوں گے،بیرسٹر گوہر

پیر 30 دسمبر 2024 22:50

اسلام آباد(اُردو پوائنٹ اخبارتازہ ترین - این این آئی۔ 30 دسمبر2024ء)چیئرمین تحریک انصاف بیرسٹر گوہرعلی خان نے کہاہے کہ مذاکراتی کمیٹی کے تمام ارکان حکومتی اجلاس میں شریک ہوں گے۔

(جاری ہے)

بیرسٹر گوہر نے اپنے بیان میں کہاکہ حکومت اور اپوزیشن مذاکراتی کمیٹیوں کے تمام ارکان بہترین سیاسی بصیرت کے حامل ہیں، اپوزیشن کی مذاکراتی کمیٹی کے تمام ارکان 2جنوری کے اجلاس میں شریک ہوں گے۔انہوں نے کہاکہ امید ہے فریقین مذاکرات میں کھلے دل اور نیک نیتی کا مظاہرہ کریں گے، مذاکرات میں سنجیدہ کوششیں مثبت نتائج تک ضرور پہنچا دیتی ہیں، پرامید ہیں کہ مذاکراتی کمیٹیاں کم وقت میں کوئی حل نکال لیں گی۔بیرسٹر گوہر نے کہاکہ حکومت اور اپوزیشن میں مذاکرات کی کامیابی پاکستان کی کامیابی ہوگی۔