Live Updates

ٴْالیکشن کمیشن نے این اے 262 کوئٹہ سے عادل بازئی کی رکنیت بحال کرنے کا نوٹیفکیشن جاری کر دیا

منگل 31 دسمبر 2024 22:45

ڑ کوئٹہ (اُردو پوائنٹ اخبارتازہ ترین - آن لائن۔ 31 دسمبر2024ء)الیکشن کمیشن آف پاکستان نے بلوچستان سے قومی اسمبلی کے حلقہ این اے 262 کوئٹہ سے عادل بازئی کی رکنیت بحال کرنے کا نوٹیفکیشن جاری کر دیا۔

(جاری ہے)

الیکشن کمیشن کی جانب سے جاری نوٹیفکیشن کے مطابق عادل بازئی کو پاکستان مسلم لیگ (ن )کی بجائے آزاد امیدوار تصور کیا جائیگا۔عادل بازئی کے خلاف بجٹ اور آئینی ترمیم میں پارٹی پالیسی سے انحراف پر مسلم لیگ ن نے ریفرنس دائر کیا تھا، عادل بازئی کو صدر مسلم لیگ (ن )میاں محمد نواز شریف کی جانب سے دائر ریفرنس پر الیکشن کمیشن نے نااہل قرار دیا تھا۔جس کے بعد سپریم کورٹ آف پاکستان نے عادل بازئی کی بطور رکن قومی اسمبلی بحالی کا فیصلہ دیا تھا۔