راولپنڈی ویمن یونیورسٹی کی طالبات و فیکلٹی ممبران پر مشتمل وفد کا پارلیمنٹ ہائوس کا تدریسی دورہ

جمعہ 3 جنوری 2025 17:11

اسلام آباد (اُردو پوائنٹ اخبارتازہ ترین - اے پی پی۔ 03 جنوری2025ء) راولپنڈی ویمن یونیورسٹی کی طالبات و فیکلٹی ممبران پر مشتمل 52 رکنی وفد نے پارلیمنٹ ہائوس کا تدریسی دورہ کیا۔ایوان بالا کے اعلی حکام نے وفد کو پارلیمنٹ ہائوس آمد پرخوش آمدید کہا۔وفد کو سینیٹ میوزیم کا دورہ کرایا گیا جہاں پر انہیں ایوان بالا کی تاریخ پر مبنی ڈاکومنٹری بھی دکھائی گئی۔

(جاری ہے)

وفد نے سینیٹ میوزیم میں ملک کے ممتاز سیاستدانوں کے مجسموں اور تاریخی تصاویر میں دلچسپی کا اظہار کیا۔وفد کو بینکٹ ہال میں سینیٹ کے کام طریقے کار،قانون سازی کے عمل بارے بھی تفصیلی بریفنگ دی گئی۔بعد ازاں طلباءکو سینیٹ ہال کا بھی دورہ کرایا گیا۔سینیٹ حکام نے طالبات کو ایوان بالا کے کام کے طریقہ کار، قانون سازی اور فنکشنز کی اہمیت کے حوالے سے بریفنگ بھی دی۔وفد نے پارلیمنٹ ہائوس بارے آگاہی اور استقبال پر سینیٹ حکام کا شکریہ ادا کرتے ہوئے اس دورے کو ایک یادگار اور مفید تجربہ قرار دیا۔