پ*اوستا محمد ،باغ ہیڈ ایریگشن بنگلہ پر کھلی کچہری کا انعقاد کیا گیا

جمعرات 16 جنوری 2025 20:50

Lاوستہ محمد (اُردو پوائنٹ اخبارتازہ ترین - آن لائن۔ 16 جنوری2025ء) ڈپٹی کمشنر ضلع اوستا محمد ارشد حسین جمالی کی جانب سے عوام کے مسائل سننے اور انہیں حل کرنے کے سلسلے میں باغ ہیڈ ایریگشن بنگلہ پر کھلی کچہری کا انعقاد کیا گیا کھلی کچہری میں محکمہ پولیس ، محکمہ صحت، محکمہ ایری گیشن، محکمہ بی اینڈ آر، محکمہ پی ایچ ای, پی پی ایچ آئی، اور بی آر ایس پی کے افسران نے شرکت کی کھلی کچھری میں علاقائی معززین اور عوام نے روڈوں کی خستہ حالت پینے کے صاف پانی سم کینال کے مستقل حل ہسپتالوں میں ادویات اور ڈاکٹروں کی عدم موجودگی امن و امان اور بند اسکولوں سمیت زرعی پانی کے مسائل پر ڈپٹی کمشنر کے سامنے اپنی تفصیلی شکایات کی جس پر ڈپٹی کمشنر ارشد حسین جمالی کے احکامات پر موجود افسران نے عوام کے سوالات اور ان کے حل کے لیے جوابات دیئے اس موقع پر ڈپٹی کمشنر ارشد حسین جمالی نے کھلی کچھری سے خطاب کرتے ہوئے کہا کہ افسران عوامی خدمت کے لیے آتے ہیں جن بھی لوگوں نے درپیش مسائل پر شکایت کی ہے انشا اللہ جلد ان مسائل کو حل کرنے کی بھر پور کوشش کریں گے جو ہمارے اختیارات میں نہیں ہے ان کے حل کے لیے اعلی حکام سے بات کریں گے حکومت عوام کو بنیادی سہولیات کی فراہمی کے لیے کوشاں ہے کھلی کچہری میں سید لیاقت علی شاہ سید بھورل شاہ حاجی علی شیر مگسی , نیاز احمد خان پندرانی ,صابر خان پندرانی اسلام خان جمالی, میر خان جمالی, رضا محمد بگٹی, عبدالرزاق پلال ،فیض محمد پندرانی، لعل جان جمالی، سید مختیار شاہ محمد حسن ڈومکی، قادر بخش رخشانی، سونا خان مری ،عبدالنبی مری و دیگر نے شرکت کی ۔