چینی سرمایہ کاروں کا کراچی پولیس پر ہراسانی کا الزام، سندھ ہائیکورٹ میں درخواست دائر

پولیس ہراسانی ،بھتہ خوری سے بچایا جائے ورنہ لاہور یا واپس چین چلے جائیں گے،چینی سرمایہ کاروں کی درخواست

جمعہ 24 جنوری 2025 21:15

چینی سرمایہ کاروں کا کراچی پولیس پر ہراسانی کا الزام، سندھ ہائیکورٹ ..
کراچی (اُردو پوائنٹ اخبارتازہ ترین - این این آئی۔ 24 جنوری2025ء)چینی سرمایہ کاروں نے کراچی پولیس پر ہراسانی کا الزام عائد کرتے ہوئے سندھ ہائیکورٹ میں درخواست دائر کردی۔درخواست 6چینی سرمایہ کاروں کی جانب سے دائر کی گئی ہے جس میں وفاقی وزارت داخلہ، چیف سیکرٹری، آئی جی، سی پیک سیکیورٹی، ملیر پولیس کے حکام، چینی سفارت خانے اور دیگر کو بھی فریق بنایا گیا ہے۔

(جاری ہے)

درخواست میں کہا گیا کہ انہیں پولیس کی ہراسانی اور بھتہ خوری سے بچایا جائے ورنہ لاہور یا واپس چین چلے جائیں گے۔چینی سرمایہ کاروں نے کہاہے کہ ان سے ایئرپورٹ سے لے کر رہائش گاہ تک رشوت طلب کی جاتی ہے، آزادانہ نقل و حرکت سے روک دیا گیا ہے، سیکیورٹی کے نام پر محصور کر دیا جاتا ہے، کاروباری میٹنگز تک نہیں کرسکتے۔عدالت نے نوٹس جاری کرتے ہوئے آئی جی سندھ اور دیگر سے چار ہفتوں میں جواب طلب کرلیا۔