(ق) لیگ کے مرکزی سیکرٹری اطلاعات مصطفی ملک کو اہم ذمہ داری سونپ دی گئی

وزارت اوورسیز پاکستانیز، ہیومن ریسورس ڈیولپمنٹ ،وزارت مذہبی امورکا فوکل پرسن مقرر کر دیا گیا

اتوار 26 جنوری 2025 18:50

لاہور(اُردو پوائنٹ اخبارتازہ ترین - این این آئی۔ 26 جنوری2025ء)پاکستان مسلم لیگ (ق) کے مرکزی سیکرٹری اطلاعات مصطفی ملک کو حکومت میں اہم ذمہ داری سونپ دی گئی ۔مصطفی ملک کو وزارت اوورسیز پاکستانیز، ہیومن ریسورس ڈیولپمنٹ ،وزارت مذہبی اموروبین المذاہب ہم آہنگی کا فوکل پرسن مقرر کر دیا گیا۔مصطفی ملک مسلم لیگ (ق)کے مرکزی سیکرٹری اطلاعات ہیں ۔

(جاری ہے)

دونوں وزارتوں کی جانب سے مصطفی ملک کی تعیناتی کے باقاعدہ نوٹیفیکشن جاری کر دئیے گئے ۔وفاقی وزیر برائے مذہبی امور چوہدری سالک کا کہنا ہے کہ مصطفی ملک کی تقرری سے پارٹی ورکروں کے مسائل حل کرنے اوروزارتی امور میں بھی مدد دے گی۔چوہدری سالک حسین نے کہا کہ وزارتیں پارٹی اور قوم کی امانت ہیں، ملکی ترقی اور عوامی خوشحالی کیلئے جدوجہد جاری رکھیں گے۔