آئی سی سی پلیئر آف دی منتھ کی نامزدگیاں، پاکستان کے نعمان علی شامل

جمعہ 7 فروری 2025 15:44

اسلام آباد (اُردو پوائنٹ اخبارتازہ ترین - اے پی پی۔ 07 فروری2025ء) انٹرنیشنل کرکٹ کونسل (آئی سی سی) نے جنوری 2025 کے لیے مینز پلیئر آف دی منتھ ایوارڈ کی نامزدگیوں کا اعلان کر دیا، جس میں تین سپنرز کو شامل کیا گیا ہے۔

(جاری ہے)

آئی سی سی کے مطابق پاکستان کے نعمان علی، ویسٹ انڈیز کے جومیل واریکن اور بھارت کے وارون چکرورتھی اس ایوارڈ کے لیے نامزد ہوئے ہیں۔نعمان علی نے جنوری میں ویسٹ انڈیز کے خلاف دو ٹیسٹ میچز کی سیریز میں مجموعی طور پر 16 وکٹیں حاصل کی تھیں، جس کی بدولت وہ اس اہم نامزدگی کا حصہ بنے۔