اداکارہ انجلین ملک کینسر میں مبتلا، تصاویر بھی شیئر کردیں

ہفتہ 8 فروری 2025 22:45

لاہور(اُردو پوائنٹ اخبارتازہ ترین - آن لائن۔ 08 فروری2025ء)پاکستانی اداکارہ و پروڈیوسر انجلین ملک نے کینسر میں مبتلا ہونے کا انکشاف کیا ہے۔اداکارہ نے کینسر میں مبتلا ہونے کا یہ انکشاف اپنے سوشل میڈیا اکاونٹ انسٹاگرام پر کیا۔اداکارہ نے اپنے اکاونٹ پر سر منڈوانے کی تصویر شیئر کی اور بتایا کہ وہ کینسر کے موذی مرض سے لڑ رہی ہیں اور ان کی کیموتھراپی کا سلسلہ جاری ہے۔

(جاری ہے)

اداکارہ نے پوسٹ میں یہ بھی بتایا کہ کینسر میں مبتلا ہونے کے ساتھ ساتھ انہوں نے اپنا جیولری برانڈ بھی شروع کیا ہے۔تصویر میں دیکھا جاسکتا ہے کہ اداکارہ نے اپنی جیولری کی نمائش کرتے ہوئے ناک میں نتھنی اور گلے میں ہار پہنا ہوا ہے۔اداکارہ کی اس پوسٹ کے بعد نہ صرف ان کے فینز بلکہ شوبز انڈسٹری کے ستاروں کی جانب سے بھی ان کی صحت یابی کے لیے دعائیں کی جارہی ہیں۔