قومی اسمبلی کی ہائوس بزنس ایڈوائزری کمیٹی کا اجلاس، ایجنڈے اور دورانیے پر تبادلہ خیال

پیر 10 فروری 2025 23:27

اسلام آباد (اُردو پوائنٹ اخبارتازہ ترین - این این آئی۔ 10 فروری2025ء)قومی اسمبلی کی ہائوس بزنس ایڈوائزری کمیٹی کا اجلاس ہوا جس میں 13ویں اجلاس کے ایجنڈے اور دورانئے پر تبادلہ خیال کیا گیا۔اجلاس سپیکر قومی اسمبلی سردار ایاز صادق کی صدارت میں منعقد ہوا، کمیٹی اجلاس میں قومی اسمبلی کے موجودہ اجلاس کو 18فروی بروز منگل تک جاری رکھنے کا فیصلہ کیا گیا۔

(جاری ہے)

قومی اسمبلی کے 13ویں اجلاس میں وقفہ سوالات اور عوامی فلاح و بہبود سے متعلق قانون سازی کو زیر بحث لایا جائے گا۔کمیٹی اجلاس میں ممبران قومی اسمبلی طارق فضل چودھری، نزہت صادق، سید نوید قمر، اعجاز جاکھرانی، محترمہ شہلا رضا، سید حفیظ الدین، ریاض فتیانہ، اعجاز الحق، پولین بلوچ، خالد حسین مگسی نے شرکت کی۔اجلاس میں محترمہ زرتاج گل، ملک عامر ڈوگر، نور عالم خان، گل اصغر خان بھی شریک تھے۔