معروف ہدایت کار و ٹی وی میزبان ضیاء محی الدین کی دوسری برسی 13فروری جمعرات کو منائی جائے گی

منگل 11 فروری 2025 22:14

جہانیاں(اُردو پوائنٹ اخبارتازہ ترین - آن لائن۔ 11 فروری2025ء)معروف ہدایت کار و ٹی وی میزبان ضیاء محی الدین کی دوسری برسی 13فروری جمعرات کو منائی جائے گی ۔منفرد لب و لہجے کیلئے مشہور اینکر اور مصنف ضیا ء محی الدین 20 جون 1931 ء کو فیصل آباد میں پیدا ہوئے، انہوںنے ریڈیو آسٹریلیا سے صداکاری کے کام کاآغاز کیا، بہت عرصے تک برطانیہ کے تھیٹر کیلئے کام کیا، برطانوی سنیما اور ہالی ووڈ میں بھی فن کے جوہر دکھائے، 50 کی دہائی میں لندن کی رائل اکیڈمی آف ڈراماٹک آرٹ سے اداکاری کی باقاعدہ تربیت حاصل کی۔

(جاری ہے)

ضیاء محی الدین کو 1962 ء میں فلم لارنس آف عریبیہ میں کام کرنے کا موقع ملا،انہوں نے اس فلم میں ایک یادگار کردار ادا کیا، 70 کی دہائی میں پی ٹی وی سے ضیاء محی الدین شو کے نام سے منفردپروگرام شروع کیا اور 1973 میں پی آئی اے آرٹس اکیڈمی کیڈائریکٹر مقرر کردیے گئے۔ضیاء محی الدین نے انگریزی اخبار دی نیوزمیں کالم بھی لکھے، ضیامحی الدین کی خدمات کے اعتراف میں 2003 میں انہیں ستارہ امتیاز اور 2012 میں ہلال امتیاز سے نوازا گیا۔ضیاء محی الدین13فروری2023ء کو 92برس کی عمر میں انتقال کر گئے۔