محکمہ زراعت ملتان کے افسران و ملازمین کی جانب سے باران رحمت کیلئے نماز استسقاء ادا

جمعہ 14 فروری 2025 19:42

ملتان (اُردو پوائنٹ اخبارتازہ ترین - اے پی پی۔ 14 فروری2025ء) محکمہ زراعت ملتان کے افسران و ملازمین کی جانب سے باران رحمت کیلئے نماز استسقاء ادا کی گئی۔

(جاری ہے)

ترجمان محکمہ زراعت کےمطابق وزیر زراعت پنجاب سید عاشق حسین کرمانی کی ہدایت کی روشنی میں موجودہ موسمی حالات کے پیشِ نظر جمعہ کو یہاں یونین کونسل کی سطح تک محکمہ زراعت کے تما م فارمیشنز کے افسران و ملازمین نے خشک سالی کے خاتمے اور باران رحمت کے نزولِ کیلئے نماز استسقاء ادا کی۔

ترجمان محکمہ زراعت پنجاب نے مزید کہا ہے کہ نمازِ استسقاء میں بارانِ رحمت کے لئے خصوصی دعائیں بھی کی گئیں۔انشاء اللہ باران رحمت ہونے سے صوبہ میں گندم سمیت دیگر فصلوں پر مثبت اثرات مرتب ہوں گے۔واضح رہے کہ وزیر زراعت پنجاب نے موجودہ موسمی حالات کے پیش نظر صوبائی و یونین کونسل سطح پر باران رحمت کیلئے نماز استسقاء کے اہتمام کی ہدایت کی تھی۔