پنجاب بھر میں 1428 ٹریفک حادثات میں 22 افراد جاں بحق،

جمعہ 14 فروری 2025 23:23

لاہور (اُردو پوائنٹ اخبارتازہ ترین - این این آئی۔ 14 فروری2025ء) ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں1428ٹریفک حادثات پر ریسپانڈ کیا جن میں724افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔935معمولی زخمی لوگوں کو ریسکیومیڈیکل ٹیموں کے جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا۔

ان حادثات میں زیادہ تر تعداد (77فیصد)موٹر سائیکلز حادثات کی ہے اس لیے وقت کی ضرورت ہے کہ روڈ ٹریفک حادثات کی بڑھتی ہوئی شرح کو کم کرنے کے لیے ٹریفک قوانین پر سختی سے عمل کرتے ہوئے لائن اور لین کے نظم و ضبط کا خیال رکھیں۔ ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں941ڈرائیوز،78کم عمرڈرائیور، 546مسافراور194پیدل چلنے والے افراد متاثر ہوئے۔

(جاری ہے)

اعدادو شمار سے ظاہر ہوتا ہے کہ240ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی درالحکومت298متاثرین کے ساتھ پہلے ،گوجرانوالہ93حادثات میں107متاثرین کے ساتھ دوسر ے،ٖفیصل آباد90حادثات میں111متاثرین کے سا تھ تیسرے نمبرپررہا۔ واضح رہے کہ ان ٹریفک حادثات کے کل1681متاثرین میں1382مرد اور299خواتین شامل ہیں جبکہ زخمی ہونیوالوں میں244افراد کی اوسط عمر18سال سے کم923افراد کی اوسط عمر 18سے 40سال کے درمیان جبکہ514زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں1310موٹرسائیکلز،111آٹورکشے،180کاریں،36وین،25مسافر بسیں،37ٹرک اور145دوسری اقسام کی گاڑیاں شامل ہیں۔

Facebook Twitter Google + Share on Whatsapp

پنجاب بھر میں 1428 ٹریفک حادثات میں 22 افراد جاں بحق،

متعلقہ عنوان :

مزید قومی خبریں