حکومت صحافیو ں اور میڈیا کا گلا دبانے کیلئے پیکا کے کالے قانون کا سہارا لے رہی ہے،محمد یوسف

کراچی (اُردو پوائنٹ اخبارتازہ ترین - این این آئی۔ 15 فروری2025ء) جماعت اسلامی سندھ کے جنرل سیکرٹری محمد یوسف نے کہا ہے کہ سندھ کے بالائی اضلاع میں اغواہ برائے تاوان ایک باقاعدہ ایک کمرشل انڈسٹری بن چکا ہے جس سے نہ شہری محفوظ ہیں نہ تاجر، کچے کے ڈاکو پکے کے ڈاکووں کیلئے کماؤ پوت بن چکے ہیں۔ دن دیہاڑے لوگوں کو اغوا کرکے تاوان طلب کرنا اور ڈکیتیوں کی بڑھتی ہوئی وارداتوں سے ایسا لگتا ہے سندھ میں قانون نام کی کوئی چیز نہیں ہے۔

کچے کے ڈاکووں کے پاس جوجدید ترین اسلحہ موجود ہے وہ اسلحہ پولیس کے پاس ہے نہ رینجرز کے پاس آخر ایسا اسلحہ کسطرح ڈاکووں کے پاس پہنچتا ہی مہذبدنیا میں ریاستیں اپنے شہریوں کو تحفظ فراہم کرتی ہیں، پاکستان کا ہر شہری صبح سیلیکر رات تک محنت مزدوری کرکے اپنی روز مرہ کی خریداری پر ٹیکس دیتا ہے مگر بھاری ٹیکس کی ادائیگی کے باوجود نہ تو شہریوں کو تحفظ ملتا ہے نہ سرکاری خزانہ بھر تا ہے۔

(جاری ہے)

سندھ کی ثقافت تھی کہ خواتین کا احترام کیا جاتا تھا مگر آج کی موجود صورتحال میں سندھ کی خواتین سب سے زیادہ غیر محفوظ ہیں۔ عوام کے ووٹ سے منتخب ہونے والے تو ویگو ڈالوں میں گھوم رہے ہیں جن کے آگے پیچھے پولیس کیپروٹوکول ہوتا ہے لیکن یہ لوگ جن کے ووٹ سے وہ منتخب ہوتے ہیں وہ لوگ بے رحم ڈاکو راج کے رحم وکرم پر چھوڑدیئے گئے ہیں۔ ان خیالات کا اظہار انہوں نے بدین پریس کلب میں صحافیوں سے خطاب کرتے ہوئے کیا۔

اس موقع پر انہوں نے نومنتخب باڈی کو مبارکباد بھی دی۔ محمد یوسف نے مزید کہا کہ اپر سندھ میں شدید بدامنی پر کنٹرول نہ ہونے کی وجہ سے بدامنی کی لہر پیپلزپارٹی کے بانی قائد کے آبائی شہر لاڑکانہ تک پہنچ چکی ہے جہاں گذشتہ دنوں ڈکیتی کی واردات کے دوران دو ہندو نوجوانوں کو گولیاں مار کر شدید زخمی کردیا گیا،اب بھی وقت ہے کہ سندھ حکومت ہوش کے ناخن لے اور قانون کی رٹ قائم کرنے کیلئے کچے اور پکے کے ڈاکو کے خلاف سخت آپریشن کے ذریعے سے قانون پر عمل درآمد کروائے کہیں ایسا نہ ہو کہ بدامنی کی یہ لہر پورے سندھ کو اپنی لیپٹ میں لے لے۔

جماعت اسلامی ڈاکو راج کے خلاف شکار پورکندن بائی پاس انڈس ہائی وے پر 16 فروری کو(آج) تاریخی دھرنا دینے جارہی ہے۔صحافیوں کی آواز کو دبانے کیلئے حکومت پیکا کے قانون کی آڑ میں میڈیا کا گلا دبا رہی ہے ،جماعت اسلامی کالے قانون کے خلاف صحافتی تنظیموں کے ساتھ کھڑی ہے۔انہون نے صحافیوں پر ضرور دیا کہ وہ اپنے قلم کی طاقت سے معاشرے کی برائیوں کے خلاف جہاد جاری رکھیں۔ اس موقع پر صوبائی ڈپٹی جنرل سیکرٹری آفتاب احمد ملک جماعت اسلامی ضلع بدین کے امیر سیدعلی مردان شاہ گیلانی ،جنرل سیکرٹری عبدالکریم بلیدی، علی گل منصوری ،ایازلطیف سومرو اورفتح خان کھوسہ بھی موجود تھے