oمہاکمبھ کی مونالیزا کے نئے روپ نے مداحوں کو حیران کردیا

اتوار 16 فروری 2025 20:25

ممبئی (اُردو پوائنٹ اخبارتازہ ترین - آن لائن۔ 16 فروری2025ء) مہاکمبھ میلے کی سینسیشن مونالیزا بھوسلے کے نئے روپ نے سوشل میڈیا صارفین کو حیران کردیا ہے۔ مونا لیزا نے کیرالا میں ایک پروموشنل ایونٹ میں وی آئی پی مہمان کے طور پر شاندار شرکت کی۔ اس موقع پر انہوں نے ملیالم زبان میں بات کرکے حاضرین کو حیران کردیا۔ 14 فروری کو مونالیزا نے پہلی بار ہوائی جہاز میں سفر کیا اور کیرالا کے شہر کوزیکوڈ پہنچیں۔

انہوں نے اپنے اس تجربے کو ایک ویڈیو کے ذریعے شیئر کیا، جس میں وہ ہوائی جہاز میں بیٹھی ہوئی نظر آ رہی تھیں۔ ویڈیو کے کیپشن میں انہوں نے لکھا، ’’پہلی بار فلائٹ میں بیٹھی ہوں۔‘‘ یہ ویڈیو سوشل میڈیا پر وائرل ہوگئی۔ کوزیکوڈ میں ہونے والے اس ایونٹ کے دوران، مونالیزا نے اسٹیج پر ملیالم زبان میں بات کرکے حاضرین کو حیران کردیا۔

(جاری ہے)

انہوں نے ناظرین کو ’’نمستے‘‘ کہہ کر مخاطب کیا، اور اپنے نئے میک اوور کے ساتھ شاندار نظر آئیں۔

مونا لیزا نے اس ایونٹ کی ویڈیوز بھی شیئر کرتے ہوئے کیرالہ کا شکریہ ادا کیا ہے۔ یاد رہے کہ مونالیزا مہاکمبھ کے میلے میں وائرل ہونے کے بعد سوشل میڈیا اسٹار بن گئی ہیں، اور اب فلمی دنیا میں قدم رکھنے جارہی ہیں۔ انہیں فلم ’’دی ڈائری آف منی پور‘‘ میں مرکزی کردار کیلیے منتخب کیا گیا ہے۔ یہ فلم سانو مشرا کی ہدایت کاری میں بن رہی ہے، جو ’’دی ڈائری آف ویسٹ بنگال‘‘ کیلیے مشہور ہیں۔ مونالیزا اس فلم میں راجکمار راؤ کے بھائی امیت راؤ کے مقابل مرکزی کردار ادا کریں گی، جو اپنی اداکاری کی شروعات کررہے ہیں۔