بارش کے اثرات سے گندم کی پیداوار میں خاطر خواہ اضافہ متوقع ہے،محکمہ زراعت

جمعرات 20 فروری 2025 17:26

سیالکوٹ (اُردو پوائنٹ اخبارتازہ ترین - اے پی پی۔ 20 فروری2025ء) ڈپٹی ڈائریکٹر محکمہ زراعت توسیع سیالکوٹ ڈاکٹر رانا قربان علی خان نے کہا ہے کہ حالیہ بارش کے کھڑی فصلوں خصوصاًگندم پر شاندار اثرات مرتب ہوئے ہیں۔بارش کے اثرات سے گندم کی پیداوار میں خاطر خواہ اضافہ متوقع ہے۔

(جاری ہے)

انہوں نے کہا کہ باران رحمت سے پنجاب کے تقریباً تمام علاقے مستفید ہوئے ہیں۔ حالیہ بارش سے خصوصاً بارانی علاقوں میں کاشتہ فصلوں پر انتہائی خوشگوار اثرات مرتب ہوئے ہیں۔حالیہ بارش سے فصلوں کو فضائی نائٹروجن ملی ہے۔انہوں نے مزید کہا کہ گندم کی فصل گوبھ کے مرحلے میں داخل ہو چکی ہے۔اس مرحلے پر گندم کی فصل کے لیے بارش بہت زیادہ سود مند ہے۔