کبری خان و گوہر رشید کی حمایت میں ایمن سلیم بول پڑیں

شادی کی تقریبات ذاتی چیز ،اگر اچھی بات نہیں کہہ سکتے تو برا بھی نہیں کہنا چاہئے، اداکارہ

ہفتہ 22 فروری 2025 19:26

کبری خان و گوہر رشید کی حمایت میں ایمن سلیم بول پڑیں

کراچی (اُردو پوائنٹ اخبارتازہ ترین - این این آئی۔ 22 فروری2025ء)اداکارہ ایمن سلیم کبری خان و گوہر رشید کی حمایت میں بول پڑیں۔ایمن سلیم نے انسٹا اسٹوری شیئر کرتے ہوئے سوشل میڈیا صارفین کو تنقید کا نشانہ بنایا اور کہا کہ شادی کی تقریبات ذاتی چیز ہیں، اس لیے اگر اچھی بات نہیں کہہ سکتے تو برا بھی نہیں کہنا چاہیے۔انہوں نے لکھا کہ جب کبھی کوئی اپنی زندگی اپنی خوشی سے جینے کی کوشش کرتا ہے تو لوگوں کو اس پر غیر ضروری تنقید کرنے سے گریز کرنا چاہیے۔

(جاری ہے)

انہوں نے لکھا کہ اگر ایک سیلیبریٹی جوڑا مقدس مقام پر نکاح کرتا ہے اور پھر اپنی مرضی اور خوشی سے اپنی شادی کا جشن مناتا ہے تو اس میں آپ کو کیا تکلیف ہی یہ آپ کو کس طرح متاثر کر رہا ہی لوگوں کے لیے دوسروں کی خوشی میں خوش رہنا اتنا مشکل کیوں ہی ۔اداکارہ کے مطابق کسی کو کسی دوسرے کے اخلاص یا ایمان پر کسی دوسرے کو سوال کرنے کا کوئی حق نہیں ہے، ایمان ہو یا جشن منانا یہ ذاتی معاملہ ہے، اگر آپ کسی کی خوشی میں خوش نہیں ہو سکتے تو اپنے کام سے کام رکھیں۔