اگر بھارت نے ثبوت کے بغیر حملہ کیا تو پاکستان بھی اس کا منہ توڑ جواب دیگا، جاوید شیخ

بدھ 30 اپریل 2025 19:37

ممبئی (اُردو پوائنٹ اخبارتازہ ترین - این این آئی۔ 30 اپریل2025ء)سینئر اداکار جاوید شیخ نے کہا ہے کہ اگر بھارت نے ثبوت کے بغیر حملہ کیا تو پاکستان بھی اس کا منہ توڑ جواب دیگا۔

(جاری ہے)

میڈیا رپورٹ کے مطابق مختلف سوشل میڈیا پلیٹ فارمز پر جاوید شیخ کی ایک ویڈیو وائرل ہو رہی ہے جس میں انہوں نے بھارتی الزام تراشی پر سوال اٹھاتے ہوئے کہا کہ یہ بات سمجھ سے بالاتر ہے کہ بھارت نے آدھے گھنٹے کے اندر اندر ایف آئی آر درج کروائی جس میں پاکستان کو نامزد آخر کیسے کیا ۔انہوں نے بھارتی کارروائی پر سخت موقف اختیار کرتے ہوئے کہا کہ اگر بھارت نے بغیر کسی ثبوت کے ہم پر حملہ کیا تو پاکستان بھی اس کا منہ توڑ جواب دینے پر مجبور ہوجائے گا۔