)سابق اسپیکر بلوچستان اسمبلی جان محمد جمالی کا سابق صوبائی وزیر تعلیم طاہر محمود خان کے انتقال پر اظہار تعزیت

اتوار 23 فروری 2025 20:55

کوئٹہ (اُردو پوائنٹ اخبارتازہ ترین - آن لائن۔ 23 فروری2025ء) سابق اسپیکر بلوچستان اسمبلی جان محمد جمالی کا سابق صوبائی وزیر تعلیم طاہر محمود خان کے انتقال پر اظہار تعزیت جان محمد جمالی نے طاہر محمود خان کے انتقال پر گہرے دکھ اور افسوس کا اظہار کرتے ہوئے کہا کہ مرحوم ایک قابل احترام شخصیت تھے، جنہوں نے اپنی زندگی عوامی خدمت کے لیے وقف کر رکھی تھی۔

(جاری ہے)

انہوں نے کہا کہ طاہر محمود خان ایک دیانت دار، اصول پسند اور عوام کے خیر خواہ سیاستدان تھے، جنہوں نے ہمیشہ عوام کی بھلائی کو مقدم رکھا۔مرحوم نے بلوچستان کی ترقی میں نمایاں خدمات انجام دیں، خاص طور پر تعلیمی شعبے میں ان کی کوششیں قابل قدر ہیں۔ان کے انتقال سے بلوچستان نے ایک مدبر اور انتھک محنت کرنے والے رہنما کو کھو دیا۔دعا ہے کہ اللہ تعالی مرحوم کو جنت الفردوس میں بلند مقام عطا کرے اور ان کے لواحقین کو صبر و استقامت عطا فرمائے۔ آمین۔