’’ٹریڈ ڈیلیگیشن آف فوڈرٹو قطر ‘‘نمائش میں شرکت کے لئے درخواستیں 28فروری تک طلب

پیر 24 فروری 2025 16:22

اسلام آباد (اُردو پوائنٹ اخبارتازہ ترین - اے پی پی۔ 24 فروری2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ قطر میں منعقد ہونے والی بین الاقوامی تجارتی نمائش ’’ ٹریڈ ڈیلیگیشن آف فوڈر ٹو قطر ‘‘ میں شرکت کے لئے درخواستیں 28فروری تک جمع کرائی جاسکتی ہیں ۔

(جاری ہے)

ٹی ڈی اے پی کے مطابق نمائش کا انعقاد مئی کے دوسرے ہفتے میں کیا جائے گا جس میں خشک چارہ جات کے کاروبار سے وابستہ ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے ۔نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔