ہمیش ریشمیا باتھ روم کے آئینے میں گھنٹوں خود کو دیکھتے ہیں، اہلیہ سونیا کا انکشاف

منگل 25 فروری 2025 23:12

ممبئی(اُردو پوائنٹ اخبارتازہ ترین - آن لائن۔ 25 فروری2025ء) بالی ووڈ اداکار و گلوکار ہمیش ریشمیا کی اہلیہ سونیا کپور نے اپنے شوہر کی باتھ روم میں عجیب و غریب عادت کا انکشاف کرتے ہوئے بتایا کہ یہ ا?ئینے میں خود کو گھنٹوں دیکھتے ہیں۔جس پر ہمیش نے جواب دیتے ہوئے کہا کہ تم کیا کہہ رہی ہو تمہیں اگر اپنے شو کی ٹی ا?ر پی لینا ہے تو تم میرے نام پر لے رہی ہو۔

(جاری ہے)

واضح رہے کہ دونوں کے درمیان یہ دلچسپ مکالمہ اس وقت ہوا جب ہمیش نے اپنی اہلیہ سونیا کپور کے پوڈکاسٹ کا افتتاح کیا اور اہلیہ سے گفتگو کی اس دوران دونوں نے اپنی ذاتی زندگیوں کی جھلک پیش کی۔اس گفتگو نے ایک پر مزاح موڑ اس وقت لیا جب سونیا نے اپنے ساتھ ہمیش کے عجیب و غریب جنون کا تذکرہ کیا اور انھیں چھیڑتے ہوئے کہا کہ یہ تیار ہونے میں گھنٹوں لگاتے ہیں۔

سونیا کپور نے اپنا دفاع کرتے ہوئے کہا کہ وہ حقائق بیان کر رہی ہیں اور بتایا کہ یہ صبح 9 بجے کی فلائٹ کے لیے تیار ہونے کے لیے رات 3 بجے اٹھتے ہیں۔جس پر ہمیش نے کہا کہ وہ تیار ہونے کیلیے اپنا زیادہ وقت استعمال کرتے ہیں اور جلد بازی نہیں کرنا چاہتے۔واضح رہے کہ سونیا اور ہمیش کی 2018 میں ہمیش کی پہلی بیوی کومل سے طلاق کے بعد شادی ہوئی تھی۔