سیالکوٹ،حالیہ بارش سے کھڑی فصلوں خصوصاًگندم پر شاندار اثرات مرتب ہوں گے،ڈاکٹر رانا قربان علی

بدھ 26 فروری 2025 21:10

سیالکوٹ (اُردو پوائنٹ اخبارتازہ ترین - اے پی پی۔ 26 فروری2025ء) ڈپٹی ڈائریکٹر محکمہ زراعت توسیع سیالکوٹ ڈاکٹر رانا قربان علی خان نے کہا ہے کہ حالیہ بارش سے کھڑی فصلوں خصوصاًگندم پر شاندار اثرات مرتب ہوں گے۔بارش کے اثرات سے گندم کی پیداوار میں خاطر خواہ اضافہ متوقع ہے۔

(جاری ہے)

انہوں نے کہا کہ باران رحمت سے پنجاب کے تقریباً تمام علاقے مستفید ہوئے ہیں۔ حالیہ بارش سے خصوصاً بارانی علاقوں میں کاشتہ فصلوں پر انتہائی خوشگوار اثرات مرتب ہوں گے۔حالیہ بارش سے فصلوں کو فضائی نائٹروجن ملی ہے۔انہوں نے مزید کہا کہ اس وقت پر گندم کی فصل کے لیے بارش بہت زیادہ سود مند ہے۔