راکھی ساونت نے پاکستان میں سلمان خان کیلیے دلہن ڈھونڈ لی

سلمان خان بھارت سے میرے بھائی اور ہانیہ عامر پاکستان سے میری بھابھی ہوں گی، راکھی ساونت

ہفتہ 1 مارچ 2025 10:40

ممبئی(اُردو پوائنٹ اخبارتازہ ترین - این این آئی۔ 01 مارچ2025ء)اداکارہ راکھی ساونت نے پاکستان میں سلمان خان کیلئے دلہن ڈھونڈ لی اور ساتھ فلم میں کام کرنے کی دعوت بھی دے ڈالی۔تفصیلا ت کے مطابق راکھی ساونت نے پاکستان میں سلمان خان کیلئے دلہن ڈھونڈ لی ہے۔راکھی ساونت نے اپنی ایک ویڈیو میں دعویٰ کیا ہے کہ میں نے اپنے منہ بولے بھائی سلمان خان کیلئے پاکستانی دلہن تلاش کرلی ہے۔

اداکارہ راکھی ساونت نے کہا کہ میں نے پاکستان کی خوبصورت اداکارہ ہانیہ عامر کو سلمان خان کیلئے پسند کیا ہے۔

(جاری ہے)

وائرل ویڈیو میں راکھی ساونت نے سلمان خان کو مخاطب کرتے ہوئے کہا کہ بھائی، میں نے بھابھی چن لی ہے اور وہ ہانیہ عامر ہیں۔راکھی ساونت نے ہانیہ عامر کو بھی مخاطب کرتے ہوئے کہا کہ سلمان میرے بھائی ہیں اور آپ پاکستان سے میری بھابھی ہیں۔سلمان خان اور ہانیہ عامر کی شادی کیساتھ ساتھ راکھی ساونت نے ہانیہ عامر کو سلمان خان کے ساتھ فلم میں کام کرنے کی دعوت بھی دے ڈالی۔راکھی ساونت کے اس بیان پر سلمان خان اور ہانیہ عامر کا کوئی ردعمل سامنے نہیں آیا جبکہ سوشل میڈیا صارفین نے بھی اس بیان کو محض سستی شہرت کا ذریعہ قرار دیا۔