حالیہ بارش گندم کی فصل کیلئے بہت زیادہ سود مند ہے،رانا سلیم شاد

پیر 3 مارچ 2025 23:18

سیالکوٹ (اُردو پوائنٹ اخبارتازہ ترین - اے پی پی۔ 03 مارچ2025ء) اسسٹنٹ ڈائریکٹر محکمہ زراعت توسیع سیالکوٹ ڈاکٹر رانا سلیم شاد نے کہا ہے کہ حالیہ بارش سے کھڑی فصلوں خصوصاًگندم پر شاندار اثرات مرتب ہوں گے۔بارش کے اثرات سے گندم کی پیداوار میں خاطر خواہ اضافہ متوقع ہے۔

(جاری ہے)

انہوں نے کہا کہ باران رحمت سے پنجاب کے تقریباً تمام علاقے مستفید ہوئے ہیں۔ حالیہ بارش سے خصوصاً بارانی علاقوں میں کاشتہ فصلوں پر انتہائی خوشگوار اثرات مرتب ہوں گے۔حالیہ بارش سے فصلوں کو فضائی نائٹروجن ملی ہے۔انہوں نے مزید کہا کہ اس وقت پر گندم کی فصل کے لیے بارش بہت زیادہ سود مند ہے۔