اداکارہ تمنا بھاٹیا اور وجے ورما کے درمیان علیحدگی کی حیران کن وجہ سامنے آگئی

جمعرات 6 مارچ 2025 22:55

ممبئی (اُردو پوائنٹ اخبارتازہ ترین - آن لائن۔ 06 مارچ2025ء) بالی وڈ کی نامور جوڑی تمنا بھاٹیا اور وجے ورما کے درمیان علیحدگی کی وجہ سامنے آگئی۔پنک ولا کی رپورٹ میں تصدیق کی گئی ہے کہ تمنا اور وجے نے ایک دوسرے سے اب راہیں جدا کرلی ہیں اور دونوں نے یہ فیصلہ باہمی رضامندی سے کیا جب کہ دونوں اب بھی دوست ہیں لیکن رومانوی تعلقات کا خاتمہ ہوچکا ہے۔

اب نیوز 18 میں شائع ایک رپورٹ میں سیاست ڈیلی کا حوالہ دیا گیا اور اداکار جوڑے کے درمیان علیحدگی کی وجہ بتائی گئی ہے۔

(جاری ہے)

بھارتی شہر حیدرآباد کے جریدے سیاست ڈیلی نے دعوی کیا ہے کہ تمنا بھاٹیا جلد شادی کرکے سیٹل ہونے کی خواہش مند تھیں لیکن وجے ورما فی الحال اس کے حق میں نہیں ہیں۔رپورٹ میں کہا گیا ہے کہ یہ ہی بات دونوں میں اکثر لڑائی کی وجہ بنتی جب کہ اب اداکار جوڑے میں باقاعدہ علیحدگی ہوچکی ہے۔واضح رہے کہ وجے ورما اور تمنا بھاٹیا نے 2022 میں ڈیٹنگ کا آغاز کیا تھا اور بعدازاں دونوں اداکار اکثر تقریبات میں ایک ساتھ نظر آتے تھے۔اس جوڑی کو پہلی بار ایک ساتھ بھارتی گلوکار دلجیت دوسانجھ کے کانسرٹ میں دیکھا گیا تھا۔