ھ*کنزہ ہاشمی نے انوکھے انداز میں اپنی سالگرہ منا کر مداحوں کے دل جیت لئے، ویڈیو وائرل

اتوار 9 مارچ 2025 18:50

ٰلاہور (اُردو پوائنٹ اخبارتازہ ترین - آن لائن۔ 09 مارچ2025ء) ابھرتی ہوئی اداکارہ کنزہ ہاشمی نے کینسر جیسے موذی مرض میں مبتلا بچوں کے ساتھ اسپتال میں منائی۔ کنزہ ہاشمی نہ صرف اداکاری کے میدان میں سب سے منفرد ہیں بلکہ اپنے حساس اور نرم دل ہونے کے باعث ویلفیئر کے کاموں میں بھی بڑھ چڑھ کر حصہ لیتی ہیں۔ کنزہ ہاشمی نے اپنی 28 ویں سالگرہ کو دل کو چھو لینے والی تقریب کے طور پر منایا۔

کنزہ نے گلابی رنگ کا لباس پہنا ہوا تھا جو کینسر سے آگاہی کا رنگ ہے۔ اداکارہ کنزہ ہاشمی نے پورا دن بچوں کے کینسر سینٹر میں گزارا۔ بچوں کے ساتھ گپ شپ کی، کھیل کھیلے، کیک کاٹا اور بھرپور تفریح کی۔ کینسر اسپتال میں زیر علاج بچوں کے چہروں پر کچھ لمحوں کے لئے ہی سہی، مسکراہٹ آگئی اور معصوم کھلکھلا اٴْٹھے۔

(جاری ہے)

اس موقع پر کنزہ نے خوبصورت گلابی رنگ کا لباس پہنا، چاندی کی چمچماتی چنڈیاں ڈال رکھی تھیں، اور ان کے بال کھلے ہوئے تھے جن میں انہوں نے اپنی مشہور مسکراہٹ کے ساتھ تصاویر کی۔

کنزہ ہاشمی نے خوبصورت پیغام کے ساتھ ان دلفریب مناظر کی تصاویر بھی شیئر کیں۔ جس پر مداحوں کی جانب سے مبارکبادوں اور نیک تمنائوں کا تانتا بندھ گیا۔ کنزہ ہاشمی نے انڈس اسپتال کی انتظامیہ کا شکریہ بھی ادا کیا اور کہا کہ انڈس اسپتال کی ان بہادر چھوٹے سپاہیوں کے لیے دی جانے والی دیکھ بھال اور لگن واقعی متاثر کن ہے۔