علامہ اقبال اوپن یونیورسٹی نے مختلف پروگراموں کے داخلوں کی تاریخ میں 25 مارچ تک توسیع کر دی

پیر 10 مارچ 2025 22:18

ڈیرہ غازی خان (اُردو پوائنٹ اخبارتازہ ترین - اے پی پی۔ 10 مارچ2025ء) علامہ اقبال اوپن یونیورسٹی نے مختلف پروگراموں کے داخلوں کی تاریخ میں 25 مارچ تک توسیع کر دی۔اس حوالے سے ریجنل ڈائریکٹر علامہ اقبال اوپن یونیورسٹی ڈیر ہ غازیخان کیمپس قیصر عباس کاظمی نے بتایاکہ اوپن یونیورسٹی کے سمسٹر بہار 2025 میں پیش کیے گئے میٹرک ،انٹر میڈیٹ، ٹیچر ٹریننگ پروگرامز، ایسوسی ایٹ ڈگری پروگرامز، بی ایس پروگرامز، بی بی اے اور ڈپلومہ، سرٹیفکیٹ کورسز کے نئے داخلوں کی تاریخ میں 25 مارچ تک توسیع کر دی گئی ہے۔

(جاری ہے)

ریجنل ڈائریکٹر نے عملے کو ہدایت کی کہ وہ طلبہ کی معاونت میں بھر پور کردار ادا کریں تا کہ وہ داخلے کے عمل کو بآسانی مکمل کر سکیں۔انہوں نے کہاکہ اگر کسی طالب علم کو داخلے کے سلسلے میں کسی قسم کی دشواری پیش آتی ہے تو وہ بلا جھجک ریجنل سینٹر ڈیرہ غازی خان کے عملے سے مدد لے سکتے ہیں اور وہ انہیں داخلے کے تمام مراحل میں مکمل رہنمائی فراہم کریں گے یونیورسٹی کی طرف سے کی جانے والی اس توسیع کا مقصد طلبہ کے بہترین تعلیمی مستقبل کو مزید روشن بنانا ہے۔داخلوں سے متعلق مزید معلومات کے لئے علاقائی دفتر کے فون نمبرز9260387,9260386-064 پر رابطہ کیا جاسکتا ہے۔

Facebook Twitter Google + Share on Whatsapp

علامہ اقبال اوپن یونیورسٹی نے مختلف پروگراموں کے داخلوں کی تاریخ میں 25 مارچ تک توسیع کر دی

متعلقہ عنوان :

مزید تعلیم کی خبریں