پرائیویٹ امیدوار 17سی24مارچ تک امتحانی جمع کرواسکتے ہیں ، اعلی ثانوی تعلیمی بورڈ کراچی

جمعہ 14 مارچ 2025 18:02

کراچی (اُردو پوائنٹ اخبارتازہ ترین - این این آئی۔ 14 مارچ2025ء) اعلی ثانوی تعلیمی بورڈ کراچی نے انٹرمیڈیٹ حصہ اول (فریش)کے سالانہ امتحانات برائی2024 میں شرکت کے خواہشمند اور اہل کامرس اور آرٹس گروپس کے ایسے پرائیویٹ امیدواروں کیلئے بروز پیر 17مارچ سے 24 مارچ 2025 تک امتحانی فارم جمع کروانے کی تاریخوں کا اعلان کردیا ہے جنہوں نے ثانوی تعلیمی بورڈ کراچی سے میٹرک کے ضمنی امتحانات برائے 2024 میں کامیابی حاصل کی ہے۔

بورڈ کے جاری کردہ پروگرام کے مطابق ایسے تمام پرائیویٹ امیدوار اپنے امتحانی فارم گریڈ17یا زیادہ کے گزیٹڈ افسر سے تصدیق کے بعد بروز پیر 17مارچ سے 24 مارچ 2025 تک انٹربورڈ کراچی کی لائبریری میں قائم یونائیٹڈ بینک لمیٹڈ (UBL)کے بوتھ میں جمع کرواسکتے ہیں۔ طلبہ انٹربورڈ کراچی کی دی گئی سہولت سے سے فائدہ اٹھاتے ہوئے اپنے امتحانی فارم کی فیس یو بی ایل کی کسی بھی برانچ میں اکانٹ نمبر UBL-CMA-252536591 میں جمع کرواسکتے، طلبا جمع کرائی گئی فیس کا واچر اور اپنا امتحانی فارم شیڈول کے مطابق دی گئی تاریخوں میں بورڈ آفس کے متعلقہ سیکشن میں جمع کروانے کے پابند ہوں گے بصورت دیگر ان کا فارم قبول نہیں کیا جائے گا اور فیس واپس نہیں کی جائے گی۔

(جاری ہے)

جو پرائیویٹ امیدوار مقررہ تاریخوں میں امتحانی فارمز جمع نہیں کرواسکیں وہ 500 روپے لیٹ فیس کے ساتھ بروز منگل 25 مارچ سے بروز پیر 7اپریل 2025 تک جبکہ 1000 روپے لیٹ فیس کے ساتھ بروز منگل 8اپریل سے بروز پیر 21اپریل 2025 تک اپنے امتحانی فارمز جمع کرواسکتے ہیں۔ طلبہ امتحانی فارم او ر فیس واچر بورڈ کی آفیشل ویب سائٹ www.biek.edu.pk سے ڈان لوڈ کرسکتے ہیں۔

Facebook Twitter Google + Share on Whatsapp

پرائیویٹ امیدوار 17سی24مارچ تک امتحانی جمع کرواسکتے ہیں ، اعلی ثانوی تعلیمی بورڈ کراچی

متعلقہ عنوان :

مزید تعلیم کی خبریں