ہیما مالنی کی وائرل تصویر نے ریئلٹی شوز کی حقیقت کا راز فاش کردیا

ہفتہ 15 مارچ 2025 22:35

ممبئی (اُردو پوائنٹ اخبارتازہ ترین - آن لائن۔ 15 مارچ2025ء) ریئلٹی شوز میں کتنی حقیقت ہوتی ہی یہ سوال ہمیشہ سے مقابلہ کرنے والوں، ججوں اور ناظرین کے درمیان بحث کا موضوع رہا ہے۔انٹرنیٹ پر حال ہی میں ہیما مالنی کی ایک تصویر وائرل ہورہی ہے جس میں وہ انڈین آئیڈل کی ایک قسط کا تفصیلی اسکرپٹ پڑھتی نظر آرہی ہیں۔ہیما مالنی کی اس وائرل تصویر نے ناظرین کو یہ سوچنے پر مجبور کردیا ہے کہ کیا واقعی یہ شو پہلے سے طے شدہ ہوتا ہی یہ تصویر انڈین آئیڈل کے حالیہ ہولی اسپیشل ایپی سوڈ سے لی گئی ہے، جس میں ہیما مالنی سفید ساڑھی میں ملبوس نظر آرہی ہیں۔

تصویر میں وہ کیمرے سے باہر کسی سے بات کرتے ہوئے مسکرا رہی ہیں، اور ان کے ہاتھ میں اسکرپٹ موجود ہے۔تصویر میں اسکرپٹ کا ایک حصہ پڑھا جاسکتا ہے جس میں لکھا ہی: ہیما جی ماتھرا اسٹائل ہولی کے بارے میں بتائیں گی: پریاگنشو، اسے لاٹھ مار ہولی کہتے ہیں (اس کے بعد لاٹھ مار ہولی کی تاریخ بیان کی جائے گی)۔

(جاری ہے)

یہ تصویر ایک کیپشن کے ساتھ شیئر کی گئی ہے، ریئلٹی شوز۔

ہیما مالنی کو گزشتہ ہفتے کے انڈین آئیڈل ایپی سوڈ کا تفصیلی اسکرپٹ پکڑے ہوئے دیکھ کر حیرت ہوئی۔ یہ ان لوگوں کیلیے ہے جو اب بھی یہ سمجھتے ہیں کہ یہ شو ریئل ہوتے ہیں۔ایک صارف نے کہا، یہ تو ہمیشہ سے اسکرپٹڈ ہیں! زیادہ تر ریئلٹی شوز یہاں تک کہ بگ باس بھی کسی حد تک۔ جب کہ ایک اور صارف نے کہا، تمہیں لگتا ہے کہ ریئلٹی شوز کیسے بنتے ہیں اس میں کوئی نئی بات نہیں۔

انہیں ہر چیز کی پلاننگ کرنی پڑتی ہے۔ وہ اضافی عناصر اور ایک گھنٹے کا شو کیسے بنایا جائے، یہ سب طے ہوتا ہے۔ایک اور صارف نے کہا، یہ واقعی شرمناک ہے۔ جب کہ ایک کمنٹ میں لکھا گیا، میں نے ایک بار ایک ڈانس ریئلٹی شو کے بیک اسٹیج میں کام کیا تھا، اور ہر چیز، یہاں تک کہ بھارتی سنگھ کی مزاحیہ ٹائمنگ اور پنچ لائنز بھی، اور(اس وقت گووندا جج کے طور پر شو میں آئے تھی)تو یہاں تک کہ ان کا یہ کہنا کہ انہیں گانا بہت پسند آیا اور مقابلہ کرنے والے کی خواہش کہ گووندا اس پر ڈانس کریں، سب کچھ اسکرپٹڈ تھا۔