نئی آئی سی سی ٹی ٹونٹی رینکنگ میں بابراعظم کی ایک درجہ تنزلی

حارث رؤف 4 درجے ترقی کے بعد 26 ویں نمبر پر پہنچ گئے، شاہین آفریدی 6 درجے تنزلی کے بعد 30ویں نمبر پر چلے گئے

ذیشان مہتاب بدھ 19 مارچ 2025 14:29

نئی آئی سی سی ٹی ٹونٹی رینکنگ میں بابراعظم کی ایک درجہ تنزلی

لاہور (اردو پوائنٹ تازہ ترین اخبار ۔ 19 مارچ 2025ء ) انٹرنیشنل کرکٹ کونسل ( آئی سی سی) نے ٹی ٹوئنٹی پلیئرز کی رینکنگ جاری کردی۔

آئی سی سی کی ٹی ٹوئنٹی رینکنگ میں بیٹرز میں آسٹریلیا کے ٹریوس ہیڈ پہلی پوزیشن پر برقرار ہیں۔ رینکنگ میں پاکستانی بیٹر بابراعظم ایک درجے تنزلی کے بعد 8 ویں نمبر پر چلے گئے ہیں اور محمد رضوان کا 9 واں نمبر ہے۔

رینکنگ کے مطابق نیوزی لینڈ کے ٹم سیفرٹ 20 درجے ترقی کے بعد 13 ویں نمبر اور نیوزی لینڈ کے فن ایلن بھی 8 درجے ترقی کے بعد 18 ویں نمبر پر آگئے ہیں۔

(جاری ہے)

دوسری جانب ٹی ٹونٹی بولرز میں ویسٹ انڈیز کے عقیل حسین کا پہلا نمبر ہے جب کہ پاکستان کا کوئی بولر ٹاپ 20 میں شامل نہیں۔

آئی سی سی کی بولرز رینکنگ میں پاکستانی بولر حارث رؤف 4 درجے ترقی کے بعد 26 ویں نمبر پر اور شاہین آفریدی 6 درجے تنزلی کے بعد 30ویں نمبر پر چلے گئے ہیں۔

اس کے علاوہ ٹی ٹوئنٹی آل راؤنڈرز میں بھارت کے ہاردک پانڈیا کا پہلا نمبر برقرار ہے۔