سپیکر چودھری لطیف اکبر کا بلوچستان میں شہید ہونیوالے پاک فوج کے میجر سعد کو خراج عقیدت

بدھ 19 مارچ 2025 23:20

اسلام آباد (اُردو پوائنٹ اخبارتازہ ترین - این این آئی۔ 19 مارچ2025ء)آزادجموں و کشمیر قانون ساز اسمبلی کے سپیکر چوہدری لطیف اکبر نے بلوچستان میں شہید ہونے والے پاک فوج کے میجر سعد جن کا تعلق آزادکشمیر کے تعلق باغ سے تھا کو خراج عقیدت پیش کیا ہے۔

(جاری ہے)

اپنے خصوصی بیان میں انہوں نے کہا کہ نوجوان میجر کی شہادت پر جہاں دل غمزدہ ہے وہاں ہمیں فخر ہے کہ آزادکشمیر کے سپوتوں نے دفاع وطن اور سبز ہلالی پرچم کی سربلندی کیلیے جانوں کی قربانی دی ہے۔انہوں نے کہا کہ انشائاللہ دہشت گردوں کو شکست فاش ہو گی پوری قوم اپنی پاک فوج کی پشت پر ہے۔انہوں نے شہید میجر کے والد محترم سردار زبیر سے اظہار تعزیت کیا اور کہا کہ میجر سعد ایک جرات مند سپوت تھا جو وطن پر قربان ہو کر امر ہو گیا۔