محمد سراج نے اداکارہ ماہرہ شرما سے متعلق تعلقات پر لب کشائی کردی

ہفتہ 22 مارچ 2025 21:53

ممبئی (اُردو پوائنٹ اخبارتازہ ترین - آن لائن۔ 22 مارچ2025ء)بھارتی کرکٹ ٹیم کے فاسٹ بولر محمد سراج نے اداکارہ ماہرہ شرما سے اپنے تعلقات سے متعلق سوال پر لب کشائی کردی، جبکہ ماہرہ شرما نے بھی دو ٹوک مقف اختیار کرلیا۔بھارتی اداکارہ اور بگ باس 13 کی سابقہ امیدوار ماہرہ شرما کے ساتھ مبینہ تعلقات کی خبروں پر کرکٹر محمد سراج نے پہلی بار کھل کر رد عمل دیا ہے اور لوگوں سے اپیل کی ہے کہ وہ اداکارہ سے ان کے بارے میں سوالات نہیں کریں۔

خیال رہے کہ اداکارہ ماہرہ شرما حال ہی میں ممبئی میں ایک ایوارڈ تقریب میں نظر آئی تھیں، جہاں فوٹوگرافروں نے ہلکے پھلکے انداز میں ان سے انڈین پریمیئر لیگ (آئی پی ایل)اور ان کی پسندیدہ ٹیم کے بارے میں سوالات کیے تھے، تاہم ان سوالات کا جواب ماہرہ نے نہیں دیا تھا۔

(جاری ہے)

جس کے بعد بھارتی کرکٹر محمد سراج نے آج اپنی انسٹاگرام اسٹوری کے ذریعے ردعمل دیتے ہوئے لکھا کہ میں پاپارازی سے درخواست کرتا ہوں کہ وہ میرے بارے میں سوالات کرنا بند کریں۔

محمد سراج نے کہا کہ یہ تمام باتیں بے بنیاد اور من گھڑت ہیں۔ امید ہے کہ یہ معاملہ اب ختم ہو جائے گا۔انہوں نے اپنی بات کے اختتام پر ہاتھ جوڑنے والا ایموجی بھی استعمال کیا۔ تاہم، اطلاعات کے مطابق، سراج نے بعد میں یہ اسٹوری ڈیلیٹ کر دی۔یہ پہلا موقع نہیں ہے جب ان کے تعلقات کی افواہیں منظرعام پر آئی ہوں۔ اس سے قبل بھی ماہرہ شرما اور ان کی والدہ ان خبروں کو جھوٹا قرار دے چکی ہیں۔دوسری جانب ماہرہ شرما نے بھی اپنے انسٹاگرام پر اسٹوری میں لکھا کہ افواہیں پھیلانے سے گریز کریں، میں کسی کے ساتھ ڈیٹنگ نہیں کررہی۔