پاکستانی ملبوسات کی برآمدات 6.2 ارب ڈالر کی تاریخی سطح پر پہنچ گئیں، جام کمال خان

ہفتہ 22 مارچ 2025 22:00

اسلام آباد (اُردو پوائنٹ اخبارتازہ ترین - آن لائن۔ 22 مارچ2025ء)وفاقی وزیر تجارت جام کمال خان نے کہا ہے کہ پاکستانی ملبوسات کی برآمدات 6.2 ارب ڈالر کی تاریخی سطح پر پہنچ گئی ہیں ۔ وفاقی وزیر تجارت جام کمال خان کی زیر صدارت اجلاس میں ٹیکسٹائل برآمدات کے فروغ پر تبادلہ خیال کیا گیا۔

(جاری ہے)

اجلاس میں گفتگو کرتے ہوے وزیر تجارت جام کمال خان نے کہاکہ پاکستانی ٹیکسٹائل صنعت میں تیزی دیکھنے کو مل رہی ہے، پاکستانی ملبوسات کی برآمدات 19 فیصد اضافے کیساتھ 6 ارب 20 کروڑ ڈالر کی تاریخی سطح پر پہنچ گئیں۔

انہوں نے کہاکہ پاکستان کپاس پیدا کرنے والے 10 بڑے ممالک میں شامل ہے،جدید ٹیکنالوجی، معیاری بیج اور مشینی طریقوں کے استعمال سے کپاس کی پیداوار میں اضافہ ممکن ہے۔ جام کمال خان نیکہاکہ برآمدات بڑھانے کے لیے طویل مدتی ورک پلان کی تیاری مکمل کر لی گئی ہے،چھوٹے اور درمیانے درجے کے کاروباروں کے فروغ پر خصوصی توجہ دی جائے گی۔انہوں نے کہاکہ عالمی مارکیٹ میں مسابقت کے لیے پاکستانی ٹیکسٹائل صنعت کو جدید خطوط پر استوار کرنے کی ضرورت ہے۔