زرمبادلہ کے ذخائر میں جاری مالی سال کے آغاز سے لے کر اب تک مجموعی طور پر 2.019 ارب ڈالر کا اضافہ

پیر 24 مارچ 2025 16:06

اسلام آباد (اُردو پوائنٹ اخبارتازہ ترین - اے پی پی۔ 24 مارچ2025ء) زرمبادلہ کے ذخائر میں جاری مالی سال کے آغاز سے لے کر اب تک مجموعی طور پر 2.019 ارب ڈالر کا اضافہ ریکارڈ کیا گیا ہے۔

(جاری ہے)

سٹیٹ بینک کی جانب سے جاری کردہ اعدادوشمار کے مطابق گزشتہ مالی سال کے اختتام پر زرمبادلہ کے ملکی ذخائر کا حجم 13.997 ارب ڈالر ریکارڈ کیا گیا تھا جس میں سٹیٹ بینک کے پاس زرمبادلہ کے ذخائر کا حجم 9.39 ارب ڈالر اور کمرشل بینکوں کے پاس زرمبادلہ کے ذخائر کا حجم 4.60 ارب ڈالر ریکارڈ کیا گیا تھا۔

14 مارچ کوختم ہونے والے ہفتے میں زرمبادلہ کے ذخائر کا حجم 16.016 ارب ڈالر ریکارڈ کیا گیا جس میں سٹیٹ بینک کے پاس زرمبادلہ کے ذخائر کا حجم 11.14 ار ب ڈالر اور بینکوں کے پاس زرمبادلہ کے ذخائر کا حجم 4.86 ارب ڈالر ریکارڈ کیا گیا ۔ جاری مالی سال کے آغاز سے لے کر اب تک سٹیٹ بینک کے زرمبادلہ کے ذخائر میں 1.75 ارب ڈالر اور بینکوں کے زرمبادلہ کے ذخائر میں 262 ملین ڈالر کا اضافہ ہوا ہے۔ زرمبادلہ کے موجودہ ذخائر 2 ماہ کے عرصے کی درآمدات کےلئے کافی ہیں۔