سعودی عرب ، نشہ آور پودہ سمگل کرنے کی کوشش ناکام، 15 افراد گرفتار

جمعرات 27 مارچ 2025 08:40

ریاض (اُردو پوائنٹ اخبارتازہ ترین - اے پی پی۔ 27 مارچ2025ء) سعودی عرب کے عسیر میں سکیورٹی فورس نے نشہ آور پودہ ’قات‘ سمگل کرنے اور علاقے میں سپلائی کرنے کی کوشش ناکام بنادی ہے۔سبق ویب سائٹ کے مطابق سکیورٹی فورس نے سمگلنگ میں ملوث 15 افراد گرفتار کئے ہیں۔

(جاری ہے)

سکیو رٹی فورس نے کہا ہے کہ ’قات سمگل کرنے والا گروہ ایتھوپین تارکین پر مشتمل ہے۔مذکورہ افراد غیر قانونی طور پر سرحد عبور کرکے قات سمگل کرتے تھے اور پھر مختلف شہروں میں سپلائی کرتے تھے۔’مذکورہ افراد سے تفتیش جاری ہے جبکہ ضابطے کی کارروائی مکمل ہونے پر انہیں پبلک پراسیکیوشن کے حوالے کردیا جائے گا۔