سیاسی استحکام معاشی ترقی میں ریڑھ کی ہڈی کی حیثیت رکھتا ہے ، ناصر منصور قریشی

جمعرات 27 مارچ 2025 17:47

اسلام آباد (اُردو پوائنٹ اخبارتازہ ترین - اے پی پی۔ 27 مارچ2025ء) اسلام آباد چیمبر آف کامرس اینڈ انڈسٹری (آئی سی سی آئی) کے صدر ناصر منصور قریشی نے کہا ہے کہ سیاسی استحکام معاشی ترقی میں ریڑھ کی ہڈی کی حیثیت رکھتا ہے ۔ جمعرات کو جاری بیان کے مطابق انہوں نے تمام سیاسی سٹیک ہولڈرز پر زور دیا ہے کہ وہ اختلافات کو بات چیت کے ذریعے حل کرکے ملکی معاشی مفادات کو ترجیح دیں۔

(جاری ہے)

استحکام کی اہمیت پر روشنی ڈالتے ہوئے انہوں نے کہا کہ غیر یقینی صورتحال سرمایہ کاری، تجارت اور صنعتی ترقی کو روکتی ہے، لہذا قومی ترقی کے لیے اتفاق رائے کی تشکیل ضروری ہے۔انہوں نے کہا ہے کہ اہم سیاسی قوتوں کے درمیان بات چیت کو فروغ دینا قومی چیلنجوں سے نمٹنے اور اقتصادی ترقی کے لیے سازگار ماحول پیدا کرنے کے لیے بہت ضروری ہے۔آئی سی سی آئی کے صدر نے امن، استحکام اور اقتصادی بحالی کے اقدامات کے لیے کاروباری برادری کی بھرپور حمایت کا اعادہ کیا۔ انہوں نے تمام سیاسی رہنمائوں پر زور دیا کہ وہ پاکستان کی معاشی خوشحالی کو محفوظ بنانے کے لیے بات چیت کو اپنائیں ۔