وزیر اعلیٰ بلوچستان میر کا ڈاکٹر ربابہ خان بلیدی کے والد کے انتقال پر اظہار تعزیت

جمعرات 27 مارچ 2025 18:15

کوئٹہ(اُردو پوائنٹ اخبارتازہ ترین - این این آئی۔ 27 مارچ2025ء)وزیر اعلیٰ بلوچستان میر سرفراز بگٹی نے ممتاز قبائلی رہنماء سابق ضلع ناظم کچھی صوبائی مشیر برائے ترقی نسواں ڈاکٹر ربابہ خان بلیدی، میر عطاء اللہ خان بلیدی اور میر اسداللہ خان بلیدی کے والد سردار بہرام خان بلیدی کی وفات پر گہرے رنج و غم کا اظہار کیا ہے ۔

(جاری ہے)

اپنے تعزیتی پیغام میں وزیر اعلیٰ میر سرفراز بگٹی نے کہاکہ مرحوم ایک نفیس اور شریف النفس انسان تھے جنہوں نے ہمیشہ خیر خواہی، رواداری اور شائستگی کا درس دیا وزیر اعلیٰ نے مرحوم کی قبائلی اور سماجی خدمات کو خراج عقیدت پیش کرتے ہوئے کہا کہ سردار بہرام خان بلیدی نے اپنی زندگی عوامی فلاح و بہبود، قبائلی ہم آہنگی اور سماجی خدمت کے لیے وقف کر رکھی تھی ان کی خدمات کو ہمیشہ یاد رکھا جائے گا وزیر اعلیٰ بلوچستان نے دعا کی کہ اللہ تعالیٰ مرحوم کو جوارِ رحمت میں جگہ دے اور لواحقین کو صبر جمیل عطاء فرمائے۔