اسلام آبا د،دورانِ نمازِ جمعہ ٹریفک کی روانی برقرار رکھنے کے لیے اضافی نفری تعینات

جمعہ 28 مارچ 2025 20:00

اسلام آباد (اُردو پوائنٹ اخبارتازہ ترین - این این آئی۔ 28 مارچ2025ء)اسلام آباد میں نمازِ جمعہ کے موقع پر ٹریفک کی روانی برقرار رکھنے کے لیے اضافی نفری تعینات کی گئی ہے۔اسلام آباد کے چیف ٹریفک آفیسر ذیشان حیدر اور ایس ایس پی آپریشنز محمد شعیب نے مساجد کا دورہ کیا۔وفاقی دارالحکومت اسلام آباد کی ٹریفک پولیس کے جانب سے جاری ہونے والے اعلامیے کے مطابق دونوں افسران نے جمعة الوداع کے موقع پر ٹریفک انتظامات کا جائزہ لیا۔

(جاری ہے)

چیف ٹریفک آفیسر ذیشان حیدر نے بتایا کہ نمازِ جمعہ کے لیے آنے والے شہریوں کے لییخصوصی انتظامات کیے گئے ہیں۔انہوں نے ہدایات دیتے ہوئے کہا کہ ٹریفک کی روانی میں رکاوٹ بننے والی گاڑیوں اور غیر قانونی پارکنگ کے خلاف قانونی کارروائیاں کی جائیں۔سی ٹی او نے کہا ہے کہ فیصل مسجد کے اطراف پارکنگ کے لیے متعین کردہ مقامات کی سخت نگرانی کی جائے، مسجد کے داخلی و خارجی راستوں پر ٹریفک کنٹرول کے لیے خصوصی ٹیمیں تشکیل دی گئی ہیں۔