۳صدر مملکت سے وفاقی محتسب برائے انسدادِ ہراسیت فوزیہ وقار کی ملاقات ، ادارے کی رپورٹ برائے سال 2024 پیش کی

جمعہ 28 مارچ 2025 22:30

ٴاسلام آباد(اُردو پوائنٹ اخبارتازہ ترین - آن لائن۔ 28 مارچ2025ء)صدر مملکت آصف علی زرداری سے وفاقی محتسب برائے انسدادِ ہراسیت فوزیہ وقار نے ملاقات کی اور ادارے کی رپورٹ برائے سال 2024 پیش کی۔

(جاری ہے)

ایوان صدر سے جاری بیان کے مطابق رپورٹ میں کہا گیا ہے کہ انسدادِ ہراسیت محتسب نے سال 2024 ئ میں 673 کیسز نمٹائے ، محتسب کو خواتین کو جائیداد سے محروم کرنے کی 168 شکایات بھی موصول ہوئیں، خواتین کو جائیداد سے محروم کرنے کی 139 شکایات پر فیصلہ کیا گیا ہے۔انسدادِ ہراسیت محتسب خواتین کو جائیداد سے محروم کرنے کی شکایات کا فوری ازالہ کررہی ہے۔