سُر ، لے کوسمجھنے والا ہی بڑا گلوکار بنتا ہے، آج بھی خود کو فن کی طالبہ سمجھتی ہوں ‘ سائرہ نسیم

زیادہ فلمیں نہ بننے کی وجہ سے گلوکار بھی شدید مشکلات سے دوچار ہیں ‘ گلوکارہ کی گفتگو

ہفتہ 29 مارچ 2025 13:04

سُر ، لے کوسمجھنے والا ہی بڑا گلوکار بنتا ہے، آج بھی خود کو فن کی طالبہ ..

لاہور (اُردو پوائنٹ اخبارتازہ ترین - این این آئی۔ 29 مارچ2025ء)نامور گلوکارہ سائرہ نسیم نے کہا ہے کہ انسان ساری زندگی سیکھنے کے عمل سے گزرتا ہے ،آج بھی خود کو فن کی طالبہ سمجھتی ہوں ،موسیقی میں سُر اور لے بنیاد ہے اور اس کو سمجھنے والا ہی بڑا گلوکار بنتا ہے ۔

(جاری ہے)

ایک انٹر ویو میں گلوکارہ نے کہا کہ سچے سُروں کے ساتھ گانے والے گلوکار ہمیشہ لوگوں کے دلوں میں زندہ رہتے ہیں ۔

موسیقی کے شعبے میں زندگی کے کئی سال گزار چکی ہوں لیکن آج بھی سیکھنے کے لئے کوشاں رہتی ہوں ۔ انہوں نے کہا کہ حالیہ سالوں میں اس تعداد میں فلمیں نہیں بن رہیں جس کی وجہ سے گلوکار بھی شدید مشکلات سے دوچار ہیں ۔ اگر فلم انڈسٹری کو ماضی کی طرح عروج پر لے جانا ہے تو اس کے لئے بلا تعطل فلمیں بنانے کی ضرورت ہے جس سے بہت سے شعبے بھی ترقی کریں گے۔